Umum ped na amal-O`um 13-14

SHahar maktablarining vujudga kelishi. G’arbiy yevropada XII—XIII asrlarda hunarmandchilik va savdoning rivojlanishi shaharlarning o’sishiga va shahar madaniyatining vujudga kelishiga sabab bo’ldi. SHaharning asosiy aholisini tashkil qiluvchi hunarmand va savdogarlar o’z bolalariga amaliy faoliyat uchun zarur bo’lgan bilim berishni istar edilar. Ular o’sha davrlarda cherkov maktablaridan qanoatlanmadilar. Hunarmandlar sexlarga uyushib, o’zlarining sex maktablarini ocha boshladilar, bunday maktablarda hunarmandlarning bolalariga o’z ona tillarida o’qish va yozish, hisob va din o’rgatilar edi: hunar esa uyda — otalarining ustaxonasida o’rgatilar edi. Gildiyalarga uyushgan savdogarlar ham o’zlarining gildiya maktablarini ocha boshladilar va o’z bolalariga dastur asosida bilim bera boshladilar. Keyinroq borib sex va gildiya maktablari magistrat maktablariga, ya’ni shahar boshqarmasi (magistrat) harajatidagi maktablarga aylandi.
Bu maktablarning mudir va o’qituvchilari tegishli sex, gildiya va magistratura tomonidan tayinlanardilar va ular cherkovga qaram emas edilar. Bu maktablarda pul to’lab o’qilardi.