"umid" maktab-internati

O’ZBEKISTON RESPUBLIKASI XALQ TA’LIMI

MUASSASALARINI METODIK TA’MINLASH VA TASHKIL ETISH

TUMAN BO’LIMIGA QARASHLI

“UMID” MAKTAB-INTERNATI:

Shavkatova Sanobarning

ONA TILI FANIDAN

OCHIQ

“TASDIQLAYMAN”

“UMID” maktab-internat direktori
_________

Jizzax-2015

Maqsad:

Ta`limiy: O`quvchilarga ravishning ma`no turlari, payt, holat, o`rin, miqdor-daraja, maqsad-sabab ravishlarini o`quvchilarga tushuntirish.

Tarbiyaviy: O`quvchilarni axloqiy sifatlarini shakllantirish.

Rivojlantiruvchi: O`quvchilarni og`zaki va yozma nutqini o`stirish.

Dars tipi: Yangi bilimlar berish.

Dars turi: Noan`anaviy .

Dars metodlari: Suhbat metodi.

Dars jihozi: 6-sinf Ona tili darsligi.

Darsning borishi.

Uyga vazifani so`rash.

438-mashq. “ Men sinovlarga qanday tayyorlanaman” mavzusida matn tuzib kelish berilgan.

Har qatordan bittadan o`quvchi chiqib, yozib kelgan matnlarini o`qishadi.

O`tgan mavzuni mustahkamlash:

O`tgan mavzuni mustahkamlashda zanjir usulidan foydalanamiz.

1.Ravish deb nimaga aytiladi?

2.Ravishlar necha xil usul bilan yasaladi?

3.Tub ravishlarga misol ayting.

4.Yasama ravishlarga misol ayting.

5.Yasama ravish deb nimaga aytiladi?

6.Ravish yasovchi qo`shimchalarni sanang

7.Saharlab so`zi tub ravishmi yoki yasama?

Yangi mavzu bayoni:

Ravishning ma`no turlari.

Ravishlar ma`nosiga ko`ra holat, payt, o`rin, miqdor-daraja, maqsad-sabab ravishlariga bo`linadi.

Ataylab, atayin, noilojlikdan, jo`rttaga, qasddan kabi ravishlar maqsad-sabab ravishlari hisoblanadi.

Harakat holatning qanday holda bajarilganligini bildirgan va qanday? Qay holda? Qay tarzda? kabi so`roqlarga javob bo`luvchi ravishlarga holat ravishlari deyiladi. Bularga, jim, yayov, chindan, qo`qqisdan, to`satdan, piyoda, majburan, tasodifan, astoydil kabi ravishlari kiradi.

Harakat holatning bajarilish yoki bajarilmaslik paytini bildirib, Qachon? so`rog`iga javob bo`luvchi ravishlar payt ravishlari sanaladi. Bularga, endi, hozircha, so`ngra, hanuz, hamisha, doimo, hamon, dastlab, qishin-yozin, kecha-kunduz kabi ravishlar kiradi.

Harakat holatning bajarilish yoki bajarilmaslik o`rnini bildirgan va Qayer? (-ga, -da, -dan)? so`rog`iga javob bo`luvchi ravishlar o`rin ravishlari hisoblanadi. Bularga, olg`a, ichkari, tashqari singari so`zlar kiradi.

Harakat va holatning bajarilishdagi miqdor-darajani bildiradigan va Qancha? so`rog`iga javob bo`ladigan ravishlar miqdor-daraja ravishlari deyiladi. Bularga, sal, picha, hiyol, oz, ko`p, kam, ancha kabi so`zlar kiradi.

Yangi mavzuni mustahkamlash:

1-topshiriq. Berilgan so`zlarni holat, payt, o`rin, miqdor-daraja ravishlariga ajratishga harakat qiling.

Bu topshiriq og`zaki ravishda bajariladi.

439-mashq. Yangicha, yillab, qo`qqisdan, rostdan, avallari ravishlarini qatnashtirib gaplar tuzing.

Yangi mavzuni yanada mustahkamlash uchun o`quvchilar bilan birga “ so`z yomg`iri” nomli o`yin o`ynaymiz.

Bunda yomg`ir tomchilariga raqamlar yozilgan bo`lib o`quvchilar shu raqamlardan birini tanlaydi. Raqamning savoli esa o`qituvchida bo`ladi.

440-mashq. Ravishlarni aniqlab ularning qaysi turiga mansubligini ayting.

441-mashq. Gaplarni ko`chiring. Ravishlarning tagiga chizing.

O`quvchilarni baholash:

O`quvchilarni baholashda dars jarayonida berilgan mashqlarni qay darajada bajarganligiga qarab baholanadi.

Uyga vazifa:

442-mashq. Ravishlarni qatnashtirib, “Yurtimiz posbonlari” mavzusida hikoya tuzing. Ravishlarning tagiga chizib turini aniqlash topshiriladi.