Умаров Умид Дильшод ўғли

2.Ta’lim krediti: O‘zbekiston Respublikasi Oliy o‘quv yurtlari kunduzgi bo‘limlariga to‘lov-kontrakt asosida qabul qilingan talabalarning o‘qishi uchun beriladi

• Kredit muddati

36 oy

• Kredit summasi

89 200 000 mln so`mgacha
«Xalq banki» акциядорлик ЖАМИЯТИНИНГ
2021 йилга мўлжалланган
КРЕДИТ сиёсати
I. умумий қоидалар
1. «Xalq Banki» акциядорлик жамиятининг (кейинги ўринларда - Банк) кредит сиёсати Ўзбекистон Республикасининг «Банклар ва банк фаолияти тўғрисида» (Янги таҳрирда)ги, «Валютани тартибга солиш тўғрисида» (Янги таҳрирда)ги, «Микромолиялаш тўғрисида»ги, «Ипотека тўғрисида»ги, «Истеъмол кредити тўғрисида»ги, «Гаров тўғрисида»ги Қонунлари, Ўзбекистон Республикаси Президентининг фармон ва қарорлари, жумладан, 2020 йил
12 майдаги ПФ-5992-сонли «2020-2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида»ги,
2017 йил 7 февралдаги ПФ-4947-сонли «Ўзбекистон Республикасини янада ривожлантириш бўйича Ҳаракатлар стратегияси тўғрисида»ги Фармонлари, 2017 йил 12 сентябрдаги ПҚ-3270-сонли «Республика банк тизимини янада ривожлантириш ва барқарорлигини ошириш чора-тадбирлари тўғрисида»ги, 2018 йил 23 мартдаги ПҚ-3620-сонли «Банк хизматлари оммабоплигини ошириш бўйича қўшимча чора-тадбирлар тўғрисида»ги Қарорлари, Вазирлар Маҳкамасининг қарорлари, Ўзбекистон Республикаси Марказий банкининг меъёрий ҳужжатлари, жумладан, «Тижорат банклари кредит сиёсатига нисбатан қўйиладиган талаблар тўғрисида»ги Низоми (Ўзбекистон Республикаси Адлия вазирлигида 2000 йил 2 мартда 905-сон билан рўйхатга олинган), «Бир қарз олувчи, ўзаро алоқадор қарз олувчилар гуруҳи, шу жумладан банкка алоқадор шахслар учун таваккалчиликнинг энг кўп миқдори тўғрисида»ги Низоми (Ўзбекистон Республикаси Адлия вазирлигида 2020 йил 29 октябрда 3283-сон билан рўйхатга олинган), «Тижорат банкларида активлар сифатини таснифлаш ва активлар бўйича эҳтимолий йўқотишларни қоплаш учун захиралар шакллантириш ҳамда улардан фойдаланиш тартиби тўғрисида»ги Низоми (Ўзбекистон Республикаси Адлия вазирлигида 2015 йил 14 июлда 2696-сон билан рўйхатга олинган) ҳамда Ўзбекистон Республикасининг бошқа қонунчилик ва меъёрий-ҳуқуқий ҳужжатлари асосида ишлаб чиқилди.
2. Кредит сиёсати Банк Кенгаши томонидан ҳар йили тасдиқланадиган, Банк кредит фаолиятининг мақсадини белгилайдиган, кредитлаш жараёнида юзага келувчи таваккалчиликни бошқаришда Банк томонидан қўлланиладиган асосий принциплар, чоралар ва услубларни белгилайдиган ҳамда Банк раҳбарияти ва ходимларини кредитлар портфелини самарали бошқаришга доир кўрсатмалар билан таъминлайдиган ҳужжатдир.
3. Бевосита кредитлаш жараёнлари билан, жумладан кредит аризасини кўриб чиқиш, кредит бериш, мониторинг қилиш, кредитни сўндириш билан шуғулланувчи мутахассислар амалдаги қонунчиликка, Ўзбекистон Республикаси Марказий банкининг меъёрий ҳужжатларига, ушбу Кредит сиёсатига, шунингдек Банкнинг кредитлашга оид ички меъёрий ҳужжатларига амал қилишлари лозим.
4. Мазкур Кредит сиёсатида қуйидаги асосий тушунчалардан фойдаланилади:
Банк кенгаши - банк фаолиятига умумий раҳбарликни амалга оширади, бошқарувга оид қарорлар қабул қилиш жараёнида назорат ва текширув вазифасини бажаради ҳамда умуман банкнинг фаолияти ва молиявий барқарорлиги учун жавобгардир.
Банк бошқаруви - банкни бошқаришнинг ижро этувчи органи бўлиб, у банкнинг кузатув кенгаши томонидан тасдиқланган фаолият стратегияси ва уни бошқариш тизимига мувофиқ банкнинг фаолиятига оператив бошқарувни амалга оширади ҳамда банкнинг фаолияти учун жавобгарликни тўлиқ зиммасига олади.