Umar Xayyom 1 library ziyonet uz/ Ruboiyot Umar Xayyom u mar X ayyom (1048—1131)

Ruboiy ot
Umar Xayyom 
21 
library.ziyonet.uz/ 
Shahd ayla-yu, tur — qoʻlishta sof bodani tut. 
Qabringdan unar ertaga — hech qilma unut, 
Sayr etganing ushbu kun hama sabzayu oʻt... 
59 
Aslida umid donasi xirmanda qolur, 
Bogʻ hamda saroy na san-u, na manda qolur. 
Bas, siymu
[15]
 zaringni donalab yiqquncha; 
Doʻstlar-la yeb-ich, boʻlmasa dushmanda qolur! 
60 
Hech boʻlma rivoyatga asir, ey soqiy, 
Mushkuldir u ming yoinki bir, ey soqiy. 
Xokmiz, baribir, changni jaranglat, mutrib, 
Bodmiz, baribir, bodani ber, ey soqiy! 
61 
Bu ajzu niyoz yoʻlida bir dil gʻanimat, 
Suhbat tilasang, doʻsti komil gʻanimat. 
Yuz Ka’ba oʻtaversin bir dil qoshidan, 
Yuz Ka’basidan bir dilni bil gʻanimat. 
62 
Soqiy, dilim ahvoli oʻlikdan-da xarob, 
Marhumni bezovta qilmagay ranju azob. 
Har qancha etakni yuvsa koʻz qoni bilan, 
Koʻzdan koʻra etak nam-u, gardi behisob. 
63 
Toptar tuproqni oyogʻi nodoshpshg, 
Balki u qoʻli yo yuzi bir jononning. 
Har gʻishti bu osmonoʻpar ayvonning — 
Barmogʻi vazirning-u, boshi sultonning. 

---

Ruboiy ot
Umar Xayyom 
22 
library.ziyonet.uz/ 
64 
Umr daftaridan qaysi kuni ochdim-u fol, 
Kuygan dilini etdi bayon sohibi hol: 
Baxtli kishi ulkim, tuni yildek choʻzilib, 
Qoʻynida suyuk yori toʻlishsa chu
[16]
 hilol. 
65 
Tut bodani — ochsin oʻsha bahri dilimiz, 
Husning bila hal et yana har mushkulimiz. 
Bir koʻza sharobni, kel, ichaylik birga, 
Aylangunicha koʻzaga bizning gilimiz... 
66 
May ichsam agar bois emas ayshu tarab, 
Tark etmak uchunmas sira yo dinu adab. 
Bir lahza suzish bahrida bexudlikning
[17]
 — 
May ichmagu mast yurmagima asli sabab. 
67 
Husn ahliga ulkim, labi xandon bermish, 
Dard ahliga oʻz yuragidan qon bermish. 
Gar qismatimiz boʻlmasa shodlik — gʻam yoʻq, 
Shodmiz, baribir, qaygʻuni chandon bermish... 
68 
Tokaygacha umring oʻtadi oʻzni deya, 
Yo tashvishini borligu yoʻqlikni yeya. 
Ich bodani, qasdida yurar boʻlsa ajal, 
Umr oʻtgani soz uyqu yo mastlikda-ku-ya... 
69 
Ishqida suluv yorni dilim zor boʻlmish, 
Ul gʻamga boʻlak yerda giriftor boʻlmish. 
Men dardima dori istabon etsam sa’y, 

---