Ulug’bek Hamdam romanchilik mahorati

XULOSA 

 

Ulug„bek Hamdam ko„p asrlik tarixga ega o„zbek adabiyoti rivojiga o„zining 

salmoqli  hissasini  qo„shib  borayotgan  mahoratli  yozuvchidir.  U  hikoyanavis, 

romannavis sifatida adabiyot xazinasini yetuk asarlar bilan boyita oldi.  

Ulug„bek Hamdam ijodida  milliylikdan umuminsoniylik sari o„sib chiqqan    

asarlar  borki,  ular  chet  el  adabiyotida  ham  munosib  baholandi.  Yozuvchi  adabiy 

an‟analarning    munosib  voris  sifatida  davom  ettirish  barobarida    shaklan  ham 

mazmunan  yangilanishlar  yo„lida  urinishlarni  amalga  oshirdiki,  adabiy 

tanqidchilikning  munosabatiga  tayangan holda ularni muvaffaqiyatli chiqdi, deya 

ayta  olamiz.  Ilmiy  tadqiqotimizda  adib  ijodini  an‟anaviylik  va  novatorlik 

tamoyillari asosida tadqiq etib quyidagi umumlashtiruvchi xulosalarga keldik: 

1. 

Adabiyot  taraqqiyotida  adabiy  an‟ana  va  novatorlik  masalasi  ko„p 

asrlik tarixga ega dolzarb masaladir hamda bu boradagi tadqiqotlar ijodkor uslubi, 

davr adabiyoti tavsifida juda muhim. 

2. 

Ulug„bek  Hamdam    o„zbek  adabiyotida  bayon  uslubi,  obraz  yaratish 

mahorati,  asar  kompozitsiyasi  va  asar  poetikasi  yuzasidan  adabiy  an‟analarni 

munosib  davom  ettirdi.  Shitob  bilan  yangilanib  borayotgan  adabiyotda 

an‟anaviylik  asosida  ham  barcha  adabiyot  ahlini  befarq  qoldirmaydigan  asar 

yaratish mumkinligini qator hikoyalari va “Muvozanat” romani misolida  isbotladi.    

3. 

Yozuvchi ijodida mavzular ko„lami u qadar keng bo„lmasa-da, yangi, 

dolzarb muammolarning ko„tarib chiqilishi va chuqur falsafiy  mushohada asosida 

talqin etilishi bilan alohida ahamiyat kasb etadi. 

4. 

Ulug„bek  Hamdam  o„zbek  hikoyanavisligi  an‟analarini  davom 

ettirgani  holda,  shakl  masalasining  kengligi,  obrazlar  tanlovi,  modernistik 

talqinlarga  murojaat  jihatidan  yangilanishlar  kashf  etdi.  Ayniqsa,  yozuvchining 

tush  hikoyalari  bayon  uslubi,  kutilmagan  yechim  bilan  yakun  topishi,  katarsis 

hodisasining  millat  va  yosh  jihatidan  qat‟iy  nazar  chuqur  anglanishi  kabilar  bilan 

yangilik  kasb  etadi.  Mazkur  hikoyalarda  mifologik,  diniy,  falsafiy  qarashlar  

uyg„unlashib ketgan.  

---

 

73 

5. 

Ulug„bek  Hamdam  “Muvozanat”  romani  bilan  XX  asr  o„zbek 

adabiyotida  an‟anaviylik  bilan  ham  yangi  badiiy-estetik  tafakkurni  ifodalash  

mumkinligini    to„la  isbotladi.    Ayniqsa,  asardagi  Amir  obrazi  o„zbek  adabiyotiga 

butunlay  yangi  timsol  bo„lib  kirib  keldi.  Uning  vositasida  insonni  kashf  etishda 

adabiyotning ochilmagan qirralari, muammolari borligi ayon bo„ldi.  

6. 

Yozuvchining  “Isyon  va  itoat”  romani  novatorona  izlanishlar 

samarasidir.  Unda modernizmga xos  bayon uslublarini ham, asar syujetining xos 

qurilishini  ham,  asar  tilidagi  ayrichalikni  ham  kuzatish  mumkin.  Eng  asosiysi, 

insonni anglash yo„lidan, o„zlikni anglash sari boriladigan talqinlar adabiyot uchun 

yangi  topilmadir.  Shuningdek,  adibning  “Sabo  va  Samandar”  romanida  ham 

bunday yangicha yondashuvlar salmoqli o„rin tutadi.  

7. 

Ulug„bek  Hamdam  yaratgan  obrazlar  bugungi  kunning  kishilari 

bo„lib, ulardagi ko„ngil tovlanishlari,  xarakterlardagi nozik qirralarini berilganligi 

diqqatga sazavordir.  

8. 

Ulug„bek  Hamdamning  romanlari  alohida  mavqeda  turishi,  ulardagi 

mavzu va g„oya  uyg„unligi,  o„ziga xos  uslub va  mahorati, obrazlarning  yangicha 

talqinda berilishi, xarakterlarning hayotiyligi bilan ajralib turadi.  

9. 

Adibning  romanlarida  muvozanat  tushunchasi  keng  va  ta‟sirli 

ifodalanadi.  Jumladan,  har  narsada  me‟yor  bo„lganidek,  botiniy  va  zohiriy 

muvozanat, moddiy va ma‟naviy muvozanat kabi. Muallif olamda muvozanat bilan 

muvozanatsizlik  o„zaro  almashinib  turishi  qonuniyat  maqomidagi  hodisa,  shunga 

qaramay,  inson  dunyoning  mavjudligini  mohiyatiga  muvofiqlashtirishga  intilib 

yashashi  zarur,  bu  insonlik  vazifa,  inson  hayotining  mazmuni  ekanligini  aks 

ettirgan.  Asardan  shunday  xulosaga  kelish  mumkinki,  butun  olam  muvozanat 

qonuni  asosida  turgan  bo„lsa,  jamiyat  ham,  uning  asosini  tashkil  qilgan  insonlar 

ham  ayni  muvozanat  tufayli  barqarordir.  Muvozanat  buzilgan  zahoti  hayotda, 

demak,  uning  a‟zolari  orasida  har  xil  kutilmagan  o„zgarishlar,  hatto  izdan 

chiqishlar boshlanadi. 

10. 

 Obraz  yaratishda  adib  ramziylikka  keng  o„rin  ajratadi.  Jumladan, 

qahramonlarning ismlari ham bunga misol bo„la oladi. 

---

 

74 

11. 

Romanlardagi  voqelik  “obrazlar  tili”  bilan  yaratiladi.  Qahramonlar 

hayot  yo„lining  birligi  romanlarda  aks  etgan  voqelikning  qay  darajada  

dolzarbligini ko„rsatadi; 

12. 

Asarlarda tasavvuf ta‟limotidagi “komil inson” ni emas, aksincha, real 

hayotda  yashab  kelayotgan,  his-tuyg„ulari,  dunyoqarashi,  ma‟naviy-ruhiy 

olamining  o„ziga  xos  tomonlari  mavjud  bo„lgan  obrazni  yaratish  maqsad  qilib 

qo„yilgan.  

13. 

 “Isyon  va  itoat”  romani  insoniyat  hayotini  uning  ichki  olamini, 

mohiyatini  chuqur  tadqiq  etadigan  asar.  Unda  odam  bolasi  o„z  qismatida 

peshonasiga  yozilgan  taqdirini  agar  o„zi  xohlasa  yaxshi  tomonga  bura  olishi, 

ichidagi, o„z yuragidagi isyonni jimgina ko„tarib yurmaslik, bunday holatda odam 

bolasiga kun yo„qligi, halovat yo„qligi asar mazmunida anglashiladi.  

14. 

Ulug„bek Hamdam roman janri imkoniyatlarini teran anglagan holda, 

uning  janriy  qonuniyatlari  doirasida  3  ta  roman  yaratish  barobarida,  o„zbek 

adabiyoti uchun butunlay yangi hodisa – mini roman yaratish yo„lida tajriba qilib 

ko„rdi.  Natijada  avvalo,  o„zbek  adabiyotida  yangi  atama  –  mini  roman  va  uning 

namunasi paydo bo„ldi. Bu bilan adib romanning  kanonik talablarida belgilangan 

shakl  borasidagi  qarashlar  eskirganligiga  uzil-kesil  nuqta  qo„ydi.    8  sahifadan 

iborat  asar  romanda  epik  voqelik,  romanga  xos  yuk  muhim  ekanligini  isbotladi.  

Bu bilan nafaqat she‟riyat, balki nasr ham qisqalik sari intilayotganligini namoyon 

eta oldi.  

15. 

Adib asarlarida epik rivoya rang-barang ekanligi bilan xarakterlanadi. 

Unda  roviy,  muallif,  personaj  bayonlari  turlanib  turadiki,  bu  asarga  polifoniklik 

bag„ishlaydi. 

16. 

Ulug„bek Hamdam asarlari tili o„ziga xos. Unda nasr bilan lirizmning 

uyg„unligini  kuzatish  mumkin.  Obrazlar  asliyatini  yoritishda  murojaat 

shakllaridan,  ritorik so„roq va so„roq gaplardan unumli foydalanadiki, bu bevosita 

kitobxonga ham qaratilgan fikrlardek taassurot  uyg„otadi.  

---

 

75 

17. 

 Yozuvchi  asarlarida  majoz,  majoziylik  keng  o„rin  egallaydi.   

Shevaga xos so„zlar, varvarizmlar nafaqat xarakter dunyoqarashi, balki muhitning 

ayricha jihatini tavsiflashda ham qo„l kelgan. 

Xulosa o„rnida aytish mumkinki, Ulug„bek Hamdam  ijodi XX asr o„zbek 

adabiyotida  ijodiy  izlanishlarga  boyligi  jihatidan  salmoqli  o„rin  tutadi.  Uning 

ijodidagi  shakliy  va  mazmuniy  yangilanishlar  o„zbek  nasrining  imkoniyatlari 

kengligini isbotladi va uni yana bir pog„ona yuqori ko„tara oldi.