Улыума пед лекция

Mug`allim xa`m ata-analardin` o`z-ara qarim-qatnas tu`rleri.       Mug`allim shan`araq 

penen baylanis jasamay  turip balalardi a`dep-ikramliqqa ta`rbiyalay almaydi. A`sirse, a`kesinen 

yamasa  anasinan  ajiralg`an  yarim  jetim  balalar  menen  islesiw,  olardi  a`dep-ikramliqqa 

ta`rbiyalaw  mug`allimnen  og`ada  u`lken  pedagogikaliq  sheberlikti  talap  etedi.  Bunday 

balalardin`  jalg`iz  su`yenishi  mug`allim  boladi.  Al  mug`allim  bunday  isenishti  aqlay  almasa, 

onda ol xaqiyqiy mug`allim bolip esaplanbaydi. 

Mug`allim menen ata-analardin` qatnaslari klass ata-analar jiynalisi waqtinda ko`birek o`z 

ko`rinisin  tabadi.  Mug`allim  ata-analar  jiynalisina  tayarliqsiz  kelse,  onda  unamsiz  qubilislar 

payda bolip qaladi.  

Mug`allim  ata-analar  menen  so`yleskende  olardin`  pikirleri  menen  sanasiwi  kereq.  Ata-

analar  mug`allimdi  kritikalag`an  waqitta  shidawi,  birak  o`zinin`  bala  tag`dirine  jani 

ashiytug`inlig`in  bildiriwi,  bala  ta`rbiyasinda  jiberilip  atirg`an  ata-analardin`  kemshiligine  ko`z 

jumip qaramawi kerek. A`sirese balalardi urip jazalawshi ata-analar menen og`ada ko`p tu`sinik 

jumislarin  alip  bariw  kerek.  Qiz  balalardi  urip  jazalawshi  ata-analar  menen  jiyi-jiyi  ushrasip 

olarg`a  pedagogikaliq  ma`sla`xatlar  berip  turiwi,  o`zleri  qiz  balalar  menen  qatnas  jasag`anda 

juda`  puxta,  epshil  boliwi  kerek.  Bir  naduris  is  xa`reket  geypara  qiz  oqiwshilardin`  o`limine 

shekem alip keledi.