«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Jumistiń maqseti: Qáwipsizlikti hám baxitsız hádiyselerdi analiz qılıw usılları menen tanısıw hám jaraqatlanıw kórsetkishlerin anıqlaw boyınsha ámeliy kónlikpeler payda etiw.

Sabaq jobası :

1. Qáwipsizlikti analiz qılıw usılları, baxitsız hádiyselerdi analiz qılıw usılları,

2. Jaraqatlanıw kórsetkishlerin anıqlaw usılı,

3. Qáwipsizlikti proektlestiriw,

Sabaq mazniuni

1. Qáwipsizlikti analiz qılıw usılları

Qáwipsizlik sistemasın eki qıylı, yaǵnıy aprior hám aposterior usullar menen analiz qılıw múmkin.

Aprior usıl. Bul usılda izertlewshi analiz etiletuǵın sistemadaǵı ámeldegi qáwipli faktor tásirinde kelip shıǵıwı itimal etilgen baxitsiz hádiyseni hám usı hádiyse tásirinde júzege keletuǵın basqa qáwipler izbe-izligin úyrenedi yamasa usı kewilsiz hádiysege alıp keliwshi jaǵdaylar, sebepler túrin anıqlaydı. Usı usıl iskerlik ámelge aspay aldın logikalıq analiz qılıw arqalı atqarıladı.

Aposterior usıl. Usı usıl iskerlik ámelge asqannan soń yaǵnıy, hádiyse júz bergennen keyin atqarıladı. Bunda usı kewilsizlik hádiyseniń aqıbetleri tiykarında onıń sebepleri anıqlanadı hám analiz nátiyjeleri boyınsha keleshekte atqarılıwı kerek bolǵan ilájlar islep shıǵıladı.

Bul eki usıl uyqas túrde tuwri hám teris usıl da dep júritiledi.

Tuwrı usılda kewilsiz hádiyselerge alıp keliwshi sebepler hám qáwip túrleri úyrenilinip, júz beriwi múmkin bolǵan baxitsız hádiyseler aldınan analiz etiledi.

Teris usılda bolsa júz bergen kewilsiz hádiyselerdi baxitsız hadiseler úyrenilinip, onıń sebepleri anıqlanadı hám saplastırıw ilájları islep shıǵıladı.

Qáwipsizlikti analiz qılıwdaǵı tiykarǵı máselelerden biri onıń tiykarǵı kórsetkishlerin hám sistemanıń sheǵarasın tuwri belgilewden ibarat esaplanadi. Eger sistema júdá qısqa tárizde analiz etilse, ayırım qáwipli jaǵdaylar itibardan shette qalıwı hám nátiyjede hár qıylı baxitsız hádiyseler kelip shıǵıwı múmkin. Sonday-aq, eger sistema júdá keń qabıl etilse, analiz nátiyjesinde belgisizlikler, aljasiqlar júzege keliwi múmkin. Sol sebepli, analiz sheǵarasın anıqlawdan aldın analizdiń anıq maqseti belgileniwi zárúr. Ulıwmalastirip aytqanda, analiz tiykarında islep shiǵilǵan ekonomikalıq, texnikalıq, shólkemlestirilgen, sanitar-gigienik hám basqa túrdegi barlıq ilájlar usı sistemada júz beriwi múmkin bolǵan qáwiplerdi toliq aldın alıw, yaǵnıy baxitsız hádiyselerdi kelip shıǵıwın jónge salıniwin támiyinlewi zárúr.