«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Tema: Xaliqti terrorshiliq háreketlerden qorǵawdi shólkemlestiriw.

Reje:
1. Terrorizm túsinigi, onıń unamsız illetleri hám ámelge asırıw usılları.

2. Xaliq-araliq terrorizm hám oǵan qarsı alıp barılatuǵın háreketler.

3. Terroristik háreketlerge qarsı Ózbekstan Respublikasında jaratılǵan huqıqıy baza tiykarları hám jáhán kólemindegi qatnasıwı.
Insaniyat jańa júz jıllıqqa - XXI asrga qádem basti, lekin sonı atap ótiw kerek, ótken asirde adamzat júdá kóp quwanıshlı hám de qáwipli, daxshatli waqıyalardı basınan keshirdi. Qanlı dúgilisiwlerdi, ekinshi jáhán urısın, suwıq urıs hawlıǵıwı hám repressiyalardı basınan keshirgen insaniyat keleshek tárepke talpinib, hár qanday qıyınshılıqlardı jeńip rawajlanıwǵa erisip bardı.

Ókiniw menen aytamız, insaniyattıń turmıs keshiriwi ushın odaǵı múmkinshiliklerdiń barǵan sayın sheklenip baratırǵanlıǵı ayan bolıp atır. Xalıqtı taza ishimlik suwı, taza hawa, azıq-awqat ónimleri menen bir waqıtta qáwipsiz turmıs máseleleri barǵan sayın qıyınlasıp barıp atır. Biraq rawajlaniwshi kúshler tárepinen adamzattıń gúllep -jasnawı, onıń planetamızda emin-erkin jasawı ushın tazadan -jańa múmkinshilikler jaratılıp atır. Búgingi kúnde jer júzinde, insaniyat táǵdirine hám keleshek perspektivasına saldamlı qáwip salıp atırǵan, qarsiliq kórsetip atırǵan xalıq aralıq terrorizm óziniń ǵárezli maqsetlerin jáhán toparına barǵan sayın ayqın kórsetip atır. Xalıq aralıq terrorizm qáwpi áqibetinde júz mińlaǵan adamlardıń dastiǵi qurip, materiallıq baylıqlar wayran etilip atır. Házirde onıń aqibetinen hesh bir mámleket, hátteki hesh kim ulıwma qáwipsizlikte emes. Hár minuttada insaniyat bunday sociallıq qáwiptiń jábirleniwshisine aylanıwı múmkin. Usınıń nátiyjesinde BMTniń ayrıqsha jaǵdaylar klassifikaciyasına qosımsha etip, áyne sociallıq-siyasiy xarakterdeǵı ayrıqsha jaǵdaylardıń kiritiliwi biykarǵa emes. Sebebi bunday tusdagi qáwip qáterdiń dárejesi jıldan jılǵa artıp barıp atır. Sol sebepli hár bir insan óz jurtı, milleti, múqaddes jayi hám shańaraǵı tınıshliǵi, qáterjámliǵi ushın gúresiwi kerek.