«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Jergilikli samallatiw sistemalari ziyanli zatlardiń ajiralip shiǵip atirg’an jerlerdiń ózinde islep shiǵariw zonasindaǵi hawani aralastirip ulgermesten uslap qaliw hám shiǵarip jiberiwin támiyinlewi zárúr.

Gigienaliq jaqtan jergilikli samallatiw ziyanli zatti jumisshi dem aliw organlarina jetip barmawi yaki kemeygen muǵdarda jetip bariwin támiyinleydi. Bul samallatiw sistemasinda atmosferaǵa shiǵarip jiberip atirǵan hawadaǵi ziyanli zatlar az hawani shiǵariw menen samallatiwdi jeńillestiredi. Kiritilip atirǵan hawaǵa islew hám tazalaw kerek bolmaydi hám bul ekonomikaliq jaqtan jaqsi nátiyje beredi. Jergilikli samallatiw sistemasiniń́́́ túrleri júdá kóp.

Olardan biri hawa soriwshi shkaf tiykarinan ximiya laboratoriyalarinda isletiledi. Bul shkaftiń joqari bóliminde jeńil gazlardi jiynaw ushin belgili kólem muǵdarinda keńlik qaldiriladi.

Shkaftiń texnologiyaliq esigi aldindaǵi hawaniń háreketi 0,5 m/s, tan kem bolmawi kerek. Eger ajiralip shiǵip atirǵan gaz awir hám záhárli bolsa, hawa tezligi 0,7-1 m/s muǵdarda belgilenedi. Bul shkafdan shiǵarip atirg’an hawa muǵdarin esaplap shiǵariw múmkin.

L=3600 (F _jum+F_q) α +V_T

Bunda L –shkafdan sorip shiǵarip jiberip atirǵan hawa muǵdari, m³ saat,

V-belgili kesim betindegi hawa tezligi m/s,

F_jum- xizmet esigi beti, m^2.

F_q- qosimsha esikshe hám tesikler beti, m².

Α- esapqa aliw múmkin bolmaǵan tiǵizlanbag’an jerlerden soriliwi múmkin bolǵan hawa esabqa alinatuǵin koeffitsient 1.1 qabil etiledi.

Islep shiǵariw processinde hawada záha’rli zatlar(puwlar, gazlar, shańlar) ajiralip shiǵiwi múmkin. Olar dem aliw jollari arqali hám asqazan-ishek trakti arqali insan organizmine túsedi hám unamsiz aqibetlerge alip kelewi múmkin.