«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

LEKTSİYA № 1
Tema: Kirisiw. Ómir qáwipsizligi páni haqqinda túsinik. Ómir qáwipsizligi pániniń maqset hám waziypalari.

R E J E :

1. 
   Kirisiw. Ómir qáwipsizligi páni haqqinda túsinik.
   
2. 
   Ómir qáwipsizligi pániniń maqset hám waziypalari.
   

1. Kirisiw

Mámleketimizde ǵárezsizliktiń dáslepki jıllarınan-aq puqaralardı atap aytqanda jumısshı hám xizmetkerlerdi sociallıq jaǵdayın jaqsılaw, olardıń turmıs dárejesin kóteriwge, islew sharayatların texnika qáwipsizligi hám sanitariya talapları dárejesindegi tiykarın jaratıwǵa úlken itibar qaratıp kelinip atır. Tálim processinde de keń qamtılǵan reformalar ámelge asırılıp atır. Qabıl etilgen Kadrlar tayarlaw milliy baǵdarlaması, Tálim haqqindaǵı Nızamlar tiykarında bilimlendiriw tarawında úlken jetiskenliklerge erisildi. Tálim mazmunı tupten unamlı ózgeriwge júz tutıp atır. Tálim sistemasınıń barlıq sistemasında eń zamanagóy oqıtıw qurallarından paydalanılıp atır. Islep shıǵarıw da eń qúdiretli, zamanagóy islep shıǵarıw quralları menen qurallandirilmaqda. Socialliq ómir tárizi aktivlespekte. Mámlekette qabıl etilgen «Kadrlar tayarlaw milliy baǵdarlamasi», «Tálim tuwrısında»ǵi Nızam tálim sisteması mazmunın tupten ózgertirip jiberdi. Atap aytqanda joqarı tálim oqıw jobalarına zaman hám turmıs talaplarınan kelip shıǵıp úlken ózgertiwler kirgizildi. Jas qánigelerge hár bir tarawda tereń hám keń qamtılǵan sıpatlama beriw, olarǵa berilgen bilim óndiriste hám jámiyette óz nátiyjisin berip hám aktuallıǵın joǵaltpaytuǵın boliwina hám olardıń bilim dárejeleri dúnya tálim standartları qoyǵan talapǵa juwap beriwine tiykarǵı áhmiyet qaratılıp atır.

Zamanagóy turmıs daǵı islep shıǵarıw natiyjeliligin jetik kadrlarsız kóz aldimizǵa sáwlelendiriw múmkin emes. Hár tarawda insan faktorı, onıń qádir-qimbati birinshi orınǵa qóyılıp, jumıs islengen orında jetiskenlikler joqari boliwi múmkin.

Insan tuwılıwı menen jasaw, erkinlik hám baxitǵa umtılıw huqıqına iye boladı. Insan óziniń jasaw, dem alıw, salamatliǵi haqqında qayǵırıwi, qolay átirap -ortalıq, qáwipsizlik hám gigiena talaplarına juwap beretuǵın miynet sharayatında islewge bolǵan huqiqlarin ómir qáwipsizligi processinde ámelge asıradı. Onıń bul huqıqları Ózbekstan Respublikası Konstitusiyasında kepillik berilgen.