«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

2. Ózbekstan Respublikasınıń “Miynetti qorǵaw ” nızamı .
6-may 1993- jil. “Miynetti qorǵaw haqqinda ” ǵi nızam qabıllandı. Usı Nızam islep shıǵarıw usılları, múlik formasına qaramastan miynetti qorǵawdı shólkemlestiriwdiń birden-bir rejimin belgileydi hám de puqaralardıń salamatliǵi hám miyneti qáwipsizligin támiyinlewge qaratılǵan.

Nızamnıń strukturalıq bólegi 5 bólim hám 29 statyadan ibarat.

I-Bólim. Ulıwma qaǵıydalar hám (1-7) statiyadan ibarat.

Onıń 1-statiyasinda “Ózbekstan Respublikası puqaraları, sırt el puqaralari hám puqaralıǵı bolmaǵan shaxslar miyneti qáwipsizlik huqıqına iye esaplanadı dep belgilengen.

4- statiyada Miynetti qorǵaw tarawindaǵı mámleket siyasatı, óz mánisin tómendegi bántlerde kórsetken:

• karxananiń islep shıǵarıw iskerligi nátiyjelerine salıstırǵanda xızmetkerdiń turmısı hám salamatliǵ́iniń ústinligi;

• miynetti qorǵaw tarawindaǵı iskerlikti ekonomikalıq hám social siyasattiń basqa baǵdarları menen muwapıqlastirip barıw ;

• mulik hám xojalıq júrgiziw formalarına qaramastan barlıq kárxanalar ushın miynetti qorǵaw tarawinda birden-bir tártip qaǵıydalardi belgilep qoyıw ;

• miynettiń ekologiyaliq tárepinen qáwipsiz sharayatları jaratılıwı hám jumıs orinlarinda átirap -ortalıq jaǵdayı úzliksiz qadaǵalaniwin támiyinlew;

• kárxanalarda miynetti qorǵaw talapları hámme orınlarda atqarılıwın baqlaw

• miynetti qorǵawdı qarji menen támiyinlewde mámlekettiń qatnasiwi;

• joqari hám orta arnawlı oqıw orınlarında miynet qáwipsizligi boyinsha qánigeler tayarlaw ;

• qáwipsiz texnika, texnologiyalar hám xızmetkerlerdi qorǵaw quralları islep shıǵilıwı hám engiziliwin xoshametlew;

• pan, texnika jetiskenliklerinen hám de miynetti qorǵaw boyinsha watanımız hám sırt el aldıńǵı tájiriybesinen keń paydalanıw ;

• jumisshilardi arnawlı kiyim hám ayaq kiyim, jeke qorǵaniw quralları, dieta awqatları menen biypul támiyinlew;

• karxanalarda miynettiń qáwipsiz shárt-shárayatların jaratılıwna kómeklesiwshi salıq siyasatın júrgiziw;

• islep shıǵarıwdaǵı hár bir baxtsız hádiyseni hám hár bir kásip keselligin tekserip shıǵıw hám de esapqa alıwdıń hám sol tiykarda óndiristegi jaraqatlaniwlar hám de kásip keselliklerine shalınıwlar dárejesi haqqında xalıqtı xabardar qılıwdıń májbúriyligi;

• islep shıǵarıwdaǵı baxitsız hádiyselerden jábirlengen yamasa kásip keselligine shalinǵan jumisshilardiń máplerin sociallıq qorǵaw ;

• kásiplik awqamları hám basqa jámiyetlik birlespeleri, kárxanalar hám bólek adamlardıń miynetti qorǵawdı támiyinlewge qaratılǵan iskerlikti hár tárepleme qollap-quwatlaw ;

• miynetti qorǵaw máselelerin sheshiwde xalıq aralıq sheriklikti jolǵa qoyıw principlerine tiykarlanadı.