«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Ózbekstan Respublikasınıń Konstitusiyası ( IX-bap).

1992- jıldıń 8-dekabrinde Ózbekstan Respublikası Konstituciyasiniń qabıl etiliwi mámleketimiz turmısında úlken siyasiy waqıya boldı. Hesh bir mámleket óziniń Tiykarǵı nızamında mámleket hám jámiyet qurılısınıń principlerın, puqaranıń huqıq hám erkinliklerin, jámiyet rawajlanıwınıń ekonomikalıq tiykarları hám de strategiyalıq baǵdarların bekkemlemesten turıp, demokratiyalıq, huqıqıy suverenli mámleket bola almaydı. Respublikamız Konstitusiyası demokratiyalıq, xalıq aralıq kólemde itibar berilgen norma hám talaplarǵa juwap beredi dewge tolıq negizimiz bar.

Hár qanday ǵáresiz mámlekettiń yamasa demoqratiyaliq jámiyettiń rawajlanıwı qaysı dárejede boliwina qaramastan, óziniń sociallıq - ekonomikalıq, huqıqıy máplerinen kelip shıǵıp insan huqıqların qorǵawǵa qaratılǵan nızam tiykarları, yaǵnıy Konstitusiyası boliwi zárúr.

Konstitutsiyaniń IX-babı ekonomikalıq hám social huqıqlardı qorǵawǵa qaratılǵan.

37-statiyada “Hár bir shaxs miynet qılıw, erkin kásip tańlaw, ádil miynet sharayatlarında islew hám nızamda kórsetilgen tártipte jumıssızlıqtan qorǵalıw huqıqına iye esaplanadı ” delingen, tekst dawamında “ Sud hukmi menen tayınlanǵan jazani ótew rejiminen yamasa nızamda kórsetilgen basqa jaǵdaylardan ( áskeriy xızmet sıyaqlı, ayrıqsha jaǵday sharayatında hám t.b. ) tısqarı májbúriy miynet qadaǵan etiledi” dep qoyılǵan.

38-statiyada ”Barlıq jallanip islep atirǵan puqaralar dem alıw huqıqına iye esaplanadı. Jumıs waqtı hám is haqi tólenetuǵin dem alısınıń múddeti nızam menen belgilenedi” delingen.

39 -statyada “Hár kim qartayǵanda, miynet uqıpın joǵaltqanda, sonıń menen birge baǵiwshisinan ayirilǵanda hám nızamda názerde tútılǵan basqa jaǵdaylarda sociallıq támiynat alıw huqıqına iye.

Pensiyalar, napaqalar, sociallıq járdemniń basqa túrleriniń muǵdarı rásmiy belgilep qoyılǵan turmis keshiriw ushın zárúr eń kem muǵdardan az boliwi múmkin emes“ delingen jáne bul ( turmis keshiriw ushın zárúr eń kem muǵdar ) pensiya muǵdarın turaqlı túrde asırıw múmkinshiligin tuwdıradı.

40 –statiyada “Hár bir insan maman medicinalıq xızmetten paydalanıw huqıqına iye” dep belgilengen bolıp, bunda medicina xızmeti boyinsha sheklew joq bolip, túrli - rayon keselliklerdi emlewde medicina xızmetkerleri óz jeke emlew mákemelerine iye boladı, nátiyjede emlew tarawinda báseki payda boladı hám puqaralar maman medicinalıq xızmetten paydalanıw múmkinshiligine iye boladı.