Ularning malakasini oshirish xududiy markazi

XULOSA VA TAVSIYALAR

Istiqlol yillarida erishilgan yutuqlar xalqimizning milliy o`zligini anglashi, Ilm-fan, adabiyot, san`at va madaniyatning, umuman jamiyat moddiy, madaniy-ma`naviy hayotining barcha sohalari deyarli bir xilda gurkirab rivojlangan, o`zlarining qomusiy aqllari, ko`plab muhim ilmiy kashfiyotlari bilan jahon tsivilizatsiyasiga bebaho hissa qo`shgan buyuk allomalar xalq orasidan saf-saf bo`lib etishgan davr Markaziy Osiyo tarixidan oltin asr yoki Uyg`onish davri deb ataladi.

Qayd etish lozimki, istiqlolning dastlabki davrlaridanoq mamlakatimiz rahbariyati tomonidan jamiyatimizning o`z mafkurasini yaratish, shu asnoda kishilarni milliy g`oyaga sodoqat ruhida tarbiyalash ustivor vazifaga aylandi. Milliy mafkuraning bosh ijodkori, va tashabbuskori bo`lgan davlatimz rahbari bu borada talaygina ibratli fikrlarni bildirib o`tdi. Ushbu fikrlar keyingi davrlarda amalga oshirilishi lozim bo`lgan ishlar uchun dasturulamal vazifasini o`tadi. Prezidentimiz milliy mafkuraning shakllanishi nechog`li ahamiyatli vazifa ekanligini uqtirib: «...Tarix saboqlari insonni xushyorlikka o`rgatadi, irodasini mustahkamlaydi ...shakllanayotgan jamiyatimiz mafkurasi ham tarix buloqlaridan oziqlanadi»,-degan edi¹⁸.

Jahonga mashhur mutafakkirlarimiz Muhammad Muso al-Xorazmiy, Abu Rayxon Beruniy, Abu Ali ibn Sino, Abu Nasr Farobiy, Abu Abdullo Muhammad Ismoil al-Buxoriy, Al Moturidiy, Al- Marg`inoniy, Ahmad Yassaviy, Najmiddin Kubro, Abduxolik G`ijdivoniy, Baxouddin Naqshband, Ahmad al-Farg`oniy, Muhammad Tarag`ay Ulug`bek, Zaxiriddin Muhammad Bobur, Paxlavon Maxmud, yurtimizda yashab ijod etgan boshqa ko`p siymolar jahon fani, madaniyati va bir so`z bilan aytganda, sivilizatsiyaga ulkan xissa qo`shganlar. Birgina mutafakkir shoirimiz Alisher Navoiy ijodiy merosining dunyo islom madaniyatiga ta’siri salohiyatini xatto chamalab ham o`lchab bo’lmasa kerak.

Tadqiqot natijalaridan kelib chiqqan holda quyidagi taklif va mulohazalarni bildiradi:

• 
  Islom dini, uning rivojiga o`ziga xos hissa qo’shgan allomalarimiz hayoti haqida ko`plab ma`lumotlarni maktab o`quv darsliklariga kiritish;
  
• 
  allomalarimizning ma`naviy qiyofasini ochib beruvchi asarlar yaratish;
  
• 
  Islom sivilizatsiyasiga ulkan hissa qo’shgan ajdodlarimiz haqida badiiy filmlar yaratish.
  

Shunday qilib, ajdodlarimiz yaratgan boy madaniy-ma`naviy meros, ilmiy asarlar xalqimizning faxr bilan tilga oladigan ma`naviy boyligidir.