Ҳужжат матни 438383-(446800)

e-qaror.gov.uz
25.05.2022
3
Yettinchidan, Taraqqiyot strategiyasining yana bir yangi ustuvor yo‘nalishi
sifatida “umumbashariy muammolarga milliy manfaatlardan kelib chiqqan holda
yechim topish” belgilanmoqda.
Bugungi kunda insoniyat ko‘plab umumbashariy muammolarga duch
kelmoqda va ularga yechim topish nihoyatda dolzarb bo‘lib qolmoqda.
Bunday muammolarni hal etishda kuch va imkoniyatlarni birlashtirish, bu
boradagi barcha sa’y-harakatlarni uyg‘unlashtirish lozim. Bu esa, o‘z navbatida,
kelajagimiz qiyofasini belgilaydigan global muammolarning milliy va mintaqaviy
darajadagi yechimlarini topish zarurligini anglatadi.
Shuning uchun ham Taraqqiyot strategiyasida aholi salomatligi va genofondiga
ziyon yetkazadigan mavjud ekologik muammolarni bartaraf etish, ekologiya va atrof
muhitni muhofaza qilish, shahar va tumanlarda ekologik ahvolni yaxshilash, “Yashil
makon” umummilliy loyihasini amalga oshirish, ekstremizm va terrorizmga qarshi
kurashishning samarali mexanizmlarini shakllantirish, xavfsiz, tartibli va qonuniy
mehnat migratsiyasi hamda samarali migratsiya siyosatini yuritish, “Vatandoshlar”
jamoat fondi orqali xorijiy davlatlardagi yurtdoshlarimiz bilan doimiy va samarali
aloqalar o‘rnatish, pandemiyaga qarshi kurashish ishlarining samaradorligini oshirish
kabi global ahamiyatga ega bo‘lgan maqsadlar belgilanmoqda.
Yuqorida bayon etilganlarni inobatga olib, mazkur “Taraqqiyot strategiyasi”
shahrimiz jamoatchiligi, nuroniylar va fahriylar tomonidan keng muhokama
etilganligini inobatga olgan holda, xalk deputatlari Bekobod shahar Kengashi
QAROR QILADI:
1. O‘zbekiston Respublikasi Prezidentining 2022-yil 28-yanvar kunidagi
“2022-2026-yillarga mo‘ljallangan Yangi O‘zbekistonning taraqqiyot strategiyasi
to‘g‘risida”gi PF-60-son Farmoni ijro va rahbarlik uchun qabul qilinsin.
2. Shahar hokimining Yoshlar siyosati, ijtimoiy rivojlantirish va ma’naviy-
ma’rifiy ishlar bo‘yicha o‘rinbosari A.Dadaboev, shahar hokimi o‘rinbosari-Mahalla
va oilani qo‘llab-quvvatlash bo‘limi boshlig‘i A.Usmonqulov, Respublika Ma’naviyat
va ma’rifat markazi shahar bo‘limi rahbari M.Qo‘ziboev:
O‘zbekiston Respublikasi Prezidentining 2022-yil 28-yanvar kunidagi
“2022-2026-yillarga mo‘ljallangan Yangi O‘zbekistonning taraqqiyot strategiyasi
to‘g‘risida”gi PF-60-son Farmoni mazmun va mohiyati, yil dasturini ahamiyati
to‘g‘risida barcha korxona, tashkilot va o‘quv muassasalarida tushuntirish-targ‘ibot
ishlarini tizimli ravishda olib borish ishlarini tashkil etsin.
3. Shahar hokimligi Axborot xizmati rahbari M.Fayziev, “Bekobod
yangiliklari” - “Novosti Bekabada” gazetalari tahririyati direktori A.Ismatov hokimlik
rasmiy kanallarida, ijtimoiy tarmoqlar, viloyat va respublika kanallarida hamda
mahalliy gazetada mazkur Farmonni mazmun va mohiyatini, shahar miqyosida
amalga oshirilayotgan ishlarni keng yoritib borish tavsiya etilsin.
4. Qaror ijrosini nazorat qilish xalq deputatlari shahar Kengashining Ta’lim,
sog‘liqni saqlash, madaniyat, sport va ijtimoiy himoya masalalari bo‘yicha doimiy
komissiyasi raisi X.Ibragimova zimmasiga yuklatilsin.

---

e-qaror.gov.uz
25.05.2022
4
Xalq deputatlari Bekobod shahar
Kengashi raisi
Z.FAYZULLAYEV