Ҳужжат матни 135442-(135490)

---

e-qaror.gov.uz
07.06.2022
1
2021 йил «5» август
26-10-141-F/21
Паркент туман ҳокимлиги
Паркент тумани худудидаги “Бошқизилсой” сойи сувидан фойдаланишда
санитария-гигиена қоидалари ҳамда хавфсизликни таъминлашга
қаратилган чора-тадбирлар тўғрисида
Паркент туманининг “Невич” МФЙ худудидан оқиб ўтувчи “Бошқизилсой”
сойи сувидан маҳаллий аҳоли томонидан ичимлик суви сифатида фойдаланиб
келиши ва ҳозирги кунда ушбу худудда маҳаллий аҳоли ва сайёхлар томонидан сой
суви хавзасида ёзнинг иссиқ кунларида чумилиш холатлари, маиший чиқиндилар
ташлаб кетилаётган ҳолатлар кузатилаётганлиги сабабли маҳаллий аҳоли
томонидан эътирозлар билдирилмоқда.
Аҳолининг ҳақли эътирозига сабаб бўлаётган мазкур ҳолатни жойида
ўрганиш далолатномаси ҳамда Паркент туман ҳокими, фуқаро мухофазаси
бошлиғининг
2021 йил 31 майдаги 10-сонли буйруғи ижросини таъминлаш мақсадида,
1. “Невич” МФЙ худудидан оқиб ўтувчи “Бошқизилсой” сойининг санитария-
гигиена ва экологик холатини ўрганиш бўйича туман ишчи гуруҳи далолатномаси
маълумот учун қабул қилинсин.
2. Туман ишчи гуруҳи (З.Йўлдашов) га:
- Маҳаллий аҳоли ва сайёҳлар томонидан атроф мухитни экологик холатига
салбий таъсир кўрсатувчи омилларни бартараф этиш ҳамда маиший чиқиндиларни
маҳаллий аҳолидан иборат жамоатчиликни жалб этган ҳолда тозалаш
тадбирларини амалга ошириш;
- Паркент туман ҳокими, фуқаро мухофазаси бошлиғининг 2021 йил 31
майдаги

---

e-qaror.gov.uz
07.06.2022
2
10-сонли буйруғи ижросини таъминлаш мақсадида фуқаролар хавфсизлигини
таъминлаш ҳамда фуқароларнинг чўмилиши таъқиқлаган худудларда махсус
белгиларни ўрнатиш ва назоратни кучайтириш;
- Маҳалла фуқаролар йиғини раиси, маҳаллий аҳоли ва ишчи гуруҳ
иштирокида доимий назоратни амалга ошириш ҳамда маълумотларни туман
ҳокимлигига киритиш вазифалари юклатилсин.
3. Туман ҳокимлиги (Э.Рахмонов, З.Махсудова) ҳамда туман Ички ишлар
бўлими (Д.Газиев) худудда навбатчилик ва кузатув постлари ташкил этган ҳолда,
жамоатчилик назоратини кўчайтириш шунингдек “Бошқизилсой” сойида вақтинча
аҳолини туризим мақсадларида киритилишини чеклаш юзасидан тадбирларни
амалга оширсин.
4. “Коинот Фазо” МЧЖ худудидан маҳаллий аҳоли ва сайёхларни
“Бошқизилсой” сойи худудига вақтинча киритмаслик юзасидан қатъий кўрсатма
берилсин.
5. Ушбу фармойишнинг ижросини назорат қилишни ўз зиммамда қолдираман.
Туман ҳокими
Ш. Шоахмедов