Ui90832874 O’zbekiston respublikasi jizzax viloyat arnasoy tumani ноkimi

ҚАРОР ҚИЛАДИ:
1. Кадастр агентлигининг вилоят бошқармаси (Н.Мамасияев), тегишли идоралар ҳамда туман (шаҳар) лар ҳокимликлари билан биргаликда:

• 
  ер тоифасидан қатъи назар барча турдаги ер участкалари ҳамда биноиншоотларга бўлган ҳуқуқларни давлат рўйхатидан ўтказмаслик ҳолатларини аниқлаш, ер участкаларининг ўзбошимчалик билан эгаллаб олинишига ва чегараларини ўзбошимчалик билан ўзгартиришга йўл қўймаслик чораларини кўриш ҳамда ердан мақсадли фойдаланилиши устидан давлат назоратини кучайтириш чораларини кўрсин;
  
• 
  ер участкаларига бўлган ҳуқуқни бекор қилиш ҳамда ўзбошимчалик билан эгалланган ер майдонида ноқонуний қурилган иморатларни бартараф этиш юзасидан судларга даъво аризалари киритиб, киритилган даъволар натижалари бўйича таҳлилий маълумот тайёрлаб Кенгашга тақдим этиб борсин.
  

2. Вилоят прокуратураси (М.Хўжамқулов), вилоят қишлоқ хўжалиги бошқармаси (Б.Бобоқулов), Сирдарё-Зарафшон ирригация тизимлари хавза бошқармаси (М.Турдибоев), туманлар ҳокимликлари билан биргаликда:

• 
  қишлоқ хўжалиги мақсадларида ажратилган ер майдонларидан мақсадли ва самарали фойдаланишни доимий назорат қилиб борсин ҳамда ердан фойдаланиш соҳасида қонун бузилиши ҳолатларини барвақт аниқлаш, уларга қонун доирасида чоралар кўриш бўйича назорат тадбирларини кучайтириш ва бажарилган ишлар бўйича таҳлилий маълумотлар тайёрлаб, Кенгашга тақдим этиб борилиши;
  
• 
  вилоят ҳудудида сув хўжалигининг соҳил бўйича муҳофаза зоналарида жисмоний ва юридик шахслар томонидан қурилган ноқонуний қурилмаларни бартараф этиш юзасидан чораларини кўрилишини таъминласин.
  

3. 
   Вилоят архив иши ҳудудий бошқармаси (С.Авлиёхонов), вилоят адлия бошқармаси (А.Эргашев) ва прокуратура органлари билан биргаликда хатловдан ўтказилган фуқароларнинг ўзини-ўзи бошқариш органларининг ер участкалари бериш тўғрисидаги қарорлари, колхозлар аъзоларининг умумий мажлислари баённомалари, савхозлар ва бошқа қишлоқ хўжалиги ташкилотларининг буйруқларини туман (шаҳар) лар сектор раҳбарлари ҳамда ҳоким ёрдамчиларига тақдим этилишини таъминласин.
   
4. 
   Мажбурий ижро бюросининг вилоят бошқармаси судлар томонидан қабул қилинган қарорларни ижро этилишини ўз вақтида таъминласин.
   

Ушбу йиғилиш баёни ижросини назорат қилиш вилоят ҳокимининг ўринбосари Б.Назаровнинг зиммасига юклатилсин.