Udk: 633. 88 Achchiq shuvoq (ermon) Artеmisia absinthium L

UDK: 633.88
ACHCHIQ SHUVOQ (ERMON) - Artеmisia absinthium L. NI DORIVORLIK XUSUSIYATLARI VA KIMYOVIY TARKIBINI O‘RGANISH.
N.Farmanov, U.Fayzullaev
Samarqand davlat veterinariya meditsinasi,chorvachilik va biotexnologiyalar universiteti
Mavzuning dolzarbligi. Mamlakatimizda dorivor o‘simliklarning fitokimyoviy tarkibini aniqlash hamda istiqbolli turlarini turli iqlim sharoitlarida etishtirish texnologiyalarini ishlab chiqishga alohida e’tibor qaratilib, muayyan natijalarga erishilmoqda. O‘zbekiston Respublikasini yanada rivojlantirish bo‘yicha Harakatlar strategiyasida «farmatsevtika sanoatini rivojlantirish, aholi va tibbiyot muassasalarini arzon, sifatli dori vositalari bilan ta’minlash...» ¹muhim vazifalar belgilab berilgan. Ushbu vazifalarni amalga oshirishda Artemisia absinthium L.ning turli iqlim sharoitlaridagi biologik xususiyatlarini asoslash, ontogenez bosqichlaridagi fitokimyoviy tarkibini aniqlash hamda xomashyo etishtirish bo‘yicha tavsiyalar ishlab chiqish muhim ilmiy ahamiyatga ega hisoblanadi.
O‘zbekiston Respublika Prezidentining 2017 yil 7 noyabrdagi PF-5229-son “Farmatsevtika tarmog‘ini boshqarish tizimini tubdan takomilashtirish chora- tadbirlari to‘g‘risida”gi Farmoni, 2017 yil 20 apreldagi PQ-2911- son “Respublika farmatsevtika sanoatini jadal rivojlantirish uchun qulay shart-sharoitlar yaratish chora-tadbirlari to‘g‘risida”, 2020 yil 10 apreldagi PQ-4670-son “YOvvoyi holda o‘suvchi dorivor o‘simliklarni muhofaza qilish, madaniy holda etishtirish, qayta ishlash va mavjud resurslardan oqilona foydalanish chora tadbirlari to‘g‘risida” va 2020 yil 26 noyabrdagi PQ-4901-son “Dorivor o‘simliklarni etishtirish va qayta ishlash, ularning urug‘chiligini yo‘lga qo‘yishni rivojlantirish bo‘yicha ilmiy tadqiqotlar ko‘lamini kengaytirishga oid chora-tadbirlar to‘g‘risida”gi qarorlari hamda mazkur faoliyatga tegishli boshqa me’yoriy-huquqiy xujjatlarda belgilangan vazifalarni amalga oshirishda ushbu dorivor o‘simlik Artemisia absinthium L ni tadqiqoti muayyan darajada xizmat qiladi [1, 2,3,4,5].