Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Úlgi

Tuwra gáp	Ózlestirilgen gáp
«Men bul keń álemdi kewlime sıydırıp jasadım, lekin, bul keń álemge ózim sıymadım», – dedi diywanayı Mashrab.	Diywanayı Mashrab keń álemdi kewline sıydırıp jasasa da, bul keń álemge óziniń sıymaǵanlıǵın aytıp ketken.

35.4. «Kásibim – maqtanıshım» temasında bayan jazıń.
35.5. Ustazlar haqqında naqıl – maqallar, frazeologizmler, danalıq sózlerdi tawıp jazıń.
36. Kitap – bilim bulaǵı
Qaraqalpaq tilinde oqıǵan shıǵarmaları boyınsha pikiralısıw
36.1. Kitap – bilim bulaǵı
«Qol menen salǵan estelik – waqıtsha. Aradan aylar, jıllar ótiwi menen jarqırap turǵan sawlatı tábiyat qubılıslarınıń tásirinen gúńgirt tartıp gónere baslaydı, hátteki, qulaydı. Al sóz benen salınǵan estelik tozbaydı, waqıt tozańı oǵan tásir etpeydi. Góneriwdiń ornına áyyemgi skif qorǵanlarınan tabılǵan sap altınday jarqırap tura beredi» – dep jazǵan edi talantlı jazıwshılardıń biri.
Haqıyqatında da, ilgeri ásirlerde jer silkiniwlerine, suw tasqınlarına, hár qıylı dáwirlerdegi jawgershiliklerdiń qarabaqanalıq aqıbetlerine shıdam bere almay qıyralıp, qanshadan – qansha altın saraylar menen gúmbezli estelikler jer betinen tıp – tıypıl bolmadı ma! – Lekin, bunday qubılıslar Omar Hayyam, Dante, Gyote, Pushkin, Shekspir, Áliysher Nawayı, Maqtımqulı, Berdaq usaǵan ullı sóz zergerleriniń marjan sóz benen qalaǵan esteliklerine húkimin ótkize almadı. Olar tárepinen dóretilgen ómir filosofiyasına tolı ushqır qosıq qatarları ásirden – ásirge, dáwirden – dáwirge, áwladtan – áwladqa ótip kelmekte. Sol ushın da, xalqımız ruxıylıqtıń sarqılmas bulaǵı bolǵan ádebiyat dúrdanaların hárdayım qásterlep kelgen.