Учебно-методический комплекс по дисциплине общая геология навоий 2021 г. Авазов Р. Р. Учебно-методические комплекс по дисциплине "Общая геология". Навоий. Нгги. 2021. стр

Ўқув фанининг мақсади ва вазифалари

Умумий геология фани, биз яшаётган Ер ва унинг пайдо бўлиши, у нимадан ва қандай тузилгани, ўзининг миллионлаб йиллик узоқ тарихида қандай ўзгаришларга учрагани, Ернинг остки ва устки қисмида кечадиган геологик жараён таъсирида ўзгарадиган Ер юзининг шаклларини, уларнинг ўзгаришини, Ернинг физик ва кимёвий хоссаларини, қатламларни, уни ташкил этган минерал ва тоғ жинсларини ўргатади.

Назарий қисмдан сўнг амалий машғулотлар даврида талабалар аудитория шароитида олган билимларини мустаҳкамлабгина қолмай, табиий шароитда ҳодисаларни тушунишга ва худуднинг тузилишини ўқишга эришадилар.

2. 
   Фан бўйича талабаларнинг билимига кўникма ва малакасига қўйиладиган талаблар
   

Мазкур фан бўйича талабалар назарий ва амалий билимларни олганларидан сўнг уни мазмунини, бошқа фанлардан фарқини ва асосан Ернинг пайдо бўлиши, тузилиши ва ривожланиши тўғрисида эркин фикрлай олишлари керак. Шунингдек Ер ости ва устида рўй берадиган жараёнларни бир биридан фарқини, фойдали қазилма конларини қай тури қандай тоғ жинслари ичида учрашини ажрата олишлари лозим.
1.3. Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма кетлиги
Умумий геология умум касбий фанлари бўлиб, 1 семестрда ўқитилади. Мазкур фан ўқув режасидаги ўзидан кейин ўтиладиган қуйидаги фанларга замин яратиб беради: минералогия, петрография, геоморфология, гидрогеология, структуралар геологияси, нефт ва газ геологияси, фойдали қазилма конлари геологияси ва ҳ.к.
1.4. Фаннинг ишлаб чиқаришдаги ўрни
Ҳар бир фойдали қазилмалар маълум тоғ жинслари билан боғланган. Шунинг учун саноатнинг ва халқ хўжалигининг ривожланиши учун зарур бўлган минералларни ва тоғ жинсларини ўрганиш, шу фаннинг асоси ҳисобланади. Ҳозирги вақтда саноатнинг бирон-бир соҳаси йўқки, унда минерал ва тоғ жинслари ишлатилмасин.


1.5. Фанни ўқитишда янги информацион педагогик технологиялар
Фанни ўқитилишида аудио ва видео техникасидан фойдаланиш, амалий ва тажриба ишларини намойиш этиш; геологиядаги техноген жараёнларни саноат корхоналарининг муаммолари билан боғлаш; аудитория дарсларида янги чизмалардан фойдаланиш; дала амалиётини ўтишда замонавий асбоблардан фойдаланиш; талабаларни билимларни баҳолашда замонавий тестга асосланган рейтинг тизимини кенг қўллаш режалаштирилган.