Уч бурчак ёғоч фермани ҳисоблаш ва лойиҳалаш

1.1. Ёғоч ферма

Ферма сарров, таг сарров ва панжарадан ташкил топган. панжара ховон ва стойкаларга бўлинади. симметрия ўқи бўйича стойка – марказий, учбурчак фермада таянч стойка мавжуд эмас.

Ферма узунлиги (оралиғи) L_Ф 15000 мм ни ташкил этади. Ферма баланджлиги h_Ф оралиқ катталигидан келиб чиқиб аниқланади. учбурчак ферма учун:

h_Ф = L_Ф/5= 15000/5 = 3000 мм.

тагсарровдаги боғловчилар орасидаги масофа d панель узунлиги деб аталади. Мазкур лойиҳада тенг панелли ферма кўриб чиқилган, панеллар сони - 6 дона. Панель узунлигини қуйидагича аниқланади: d=Lф /6= 15000/6 = 2500 мм.

1.2. Раманинг қадамларини аниқлаш.

Раманинг қадами деб иккита ёнма-ён жойлашган рамалар ўқлари ораидаги масофага айтилади. рама қадами тўшамага тушадиган юкларга боғлиқ бўлади ва иссиқ тўшама учун одатда 3500 мм дан 5000 мм гача бўлади. Чеккадаги рамалар ўқидан яқинда жойлашган рамалар орасидаги масофа қадам катталигининг 0,8 и га тенг бўлади. Лойиҳаланаётган бино – ички иситиш тизимига эга, иқлим ҳудуди 3. рамалар қадами қуйидаги формула бўйича аниқланади a=L/(n-0,4). n=13 деб қабул қиламиз, у ҳолда бинонинг узунлиги L=51000 мм бўлганда, қадам a=4048 га ва чеккадаги рамалар ўқларидан яқинда жойлашган рамалар ўқларигача бўлган масофа 3238 мм ни ташкил этади.

1.3. Боғловчилар.

Қуйида бинонинг конструктив схемаси келтирилган.

1.3-расм. Бинонинг конструктив схемаси

1.3-расм:

1 – фермалар орасидаги вертикал боғловчилар. Ёнма-ён жойлашган фермалар марказий стойкаларини бирлаштиради. Бинонинг чекка қисмидаги оралиқларига ва ундан кейин оралиқ орқали жойлаштирилади.

2 – сарров текислигидаги горизонтал боғловчилар. Ёнма-ён жойлашган фермалар сарровларини бирлаштиради. Бинонинг чекка қисмидаги оралиқларига ва ундан кейин 30 м дан ортиқ бўлмаганмасофада жойлаштирилади.

3 – тагсарров текислигидаги горизонтал боғловчилар. Ёнма-ён жойлашган фермалар тагсарровларини бирлаштиради. 2 гуруҳ боғловчилари ўрнатилган жойларга ўрнатилади.

4 – каркасни горизонтал боғлаш. қўшни устунларни бирлаштиради. барча устунлар бўйлаб ўрнатилади.

5 – девор текислигидани вертикал боғловчилар. ёнма-ён жойлашган устунларни бирлаштиради. бинонинг чеккада жойлашган оралиқларига ўрнатилади ва ундан кейин ҳар 30 м га жойлаштирилади.