У. Юлдашев, М. Мамаражабов, С. К. Турсунов

Rim-time – қўйилган вақти бўйича бўлинган кутубхона.



23.1- расм. Фильмнинг кутубхонаси билан ишлаш

FLASHда қатламлар билан ишлаш

Бошқа дастурларда бўлгани каби Flash да ҳам анимациялар ҳосил қилишда янги объектлар яратилиб, уларни алоҳида ҳаракатлантиришга тўғри келади. Flash да ушбу имкониятни таъминлаб бериш, яъни объектлар устида ишлаш, уларга алоҳида ҳаракатлар бириктириш учун қатлам (слой - layer) лардан фойдаланилади. Соддароқ қилиб айтганда, ҳар бир объект қўйилишидан олдин унда алоҳида қатлам (слой - layer) ҳосил қилинади. Бунинг учун расмда кўрсатилган Insert layer тугмасини босиш керак бўлади.



24.1–расм. Қатламлар билан ишлаш ойнаси.

Тугма босилгандан кейин қатламлар орасига янги қатлам қўшилади. Янги қатламга фойдаланувчи хохишига кўра чизиш йўли билан ёки объектларни импорт қилиш йўли билан бирор объект бириктирилади. Объектларни ҳар бирини алоҳида вақт мобайнида, бир-биридан кейин, ҳар-хил катта кичикликда ҳаракатланиши, ҳосил бўлиши ёки йўқолиб кетиши имкониятларини таъминлайди. Бўнга қуйидаги содда анимацияни мисол қилиб берамиз:

• 
  Flash ишга тушганда янги иш майдонида битта қатлам бўлади.
  
• 
  ўша қатламни биринчи кадрини белгилаб бирор айлана чизамиз. Ҳосил бўлган айлана шу қатламга тегишли бўлади. Навбатдаги қатламларни қўйганда адашиб кетмаслик учун қатлам номини объект номига ўзгартирган маъқул. Бунинг учун қатламнинг layer матни устида сичқонни чап тугмасини икки марта босиш билан номини ўзгартиришга имкон беради. Қатлам номини айлана деб оламиз.
  
• 
  энди навбатдаги қатламни қўямиз. Бунинг учун Insert layer тугмасини босамиз. Ҳосил бўлган қатламга энди тўртбурчак жонлантирамиз.
  
• 
  Иккала қатламнинг ҳам биринчи кадрлари устида сичқоннинг ўнг тугмасини босиб, менюдан Create Motion Tween (ҳаракат ҳосил қилиш) буйруғини берамиз.
  
• 
  навбат билан қатламларда бир неча кадрдан кейин Insert Ketframe буйруғини берамиз; қатламларда кадрлар орасида ҳаракат ҳосил бўлади.
  
• 
  фақат уни сезиларли бўлиши учун янги қўйилган кадрни танлаб тегишли объектни керакли йўналишда ҳаракатлантирилади. Яъни координаталари ўзгартирилади. Бунинг учун Properties панелидан Х ва У координаталари етарлича ўзгартирилади.
  
• 
  анимацияни кўриш вақтида дастлабки кадрда объект жойида бўлади, охирги кадрга ўтгунча эса объектнинг ҳаракати ҳосил бўлади.