У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

ШОШИЛИНЧ ТИББИЙ ЁРДАМ ИЛМИЙ МАРКАЗИ – аҳолига малакали ва махсуслаштирилган шошилинч тиббий ёрдамни илмий асосланган услубларга ёндашиб ўз вақтида, замонавий даражада ва мувофиқлаштирилган равишда ташкил қилишдир.
ЭКСПОРТ– товарлар, хизматлар, инвестиция, қимматли қоғозлар, технологиялар ва бошқаларни ташқи бозорга чиқариш.
ЭКСПОРТ САЛОҲИЯТИ– миллий иқтисодиётнинг жаҳон бозорларида рақобатдош бўлган маҳсулотларни ишлаб чиқариш ҳамда уларни жаҳон нархлари бўйича етарли ҳажмларда экспорт қилиш қобилияти.
ЭРКИН ИНДУСТРИАЛ-ИҚТИСОДИЙ ЗОНА – мамлакат ҳудудининг хорижий мамлакатлар томонидан турли шакллардаги ҳамкорликдаги тадбиркорлик билан шуғулланишлари учун руҳсат этилган қисми. Мазкур зоналарда махсус имтиёзли шарт-шароитлар, жумладан, имтиёзли солиқлар, божхона тўловлари, ижара, виза олиш, валюта айирбошлаш, меҳнатга ёллашнинг қулай тартиблари белгиланган бўлади.
ЯГОНА ЕР СОЛИҒИ – миқдори ер участкасининг балл бонитетлардан ифодаланган сифати, қандай жойдалиги ва сув билан қандай таъминланганлигига қараб белгиланадиган қишлоқ хўжалиги корхоналари тўлайдиган солиқ тури.
ЯККА ТАРТИБДАГИ ТАДБИРКОР – юридик шахс ташкил этмаган ҳолда тадбиркорлик фаолияти билан шуғулланадиган жисмоний шахс.
ЯЛПИ ИНВЕСТИЦИЯ – маълум давр ичида асосий воситалар ва номоддий активларни вужудга келтириш учун сарфланадиган инвестицион капиталнинг умумий ҳажми.
ЯЛПИ ИЧКИ МАҲСУЛОТ– мамлакатда бир йил давомида ишлаб чиқарилган жами пировард маҳсулот ва хизматларнинг бозор қиймати.
ЎРТАЧА УМР –чақалоқ туғилган йили мавжуд бўлган ўлим даражаси, сабаби ва таркиби унинг бутун умри мобайнида ўзгармас холда сақланиб қолганда чақалокнинг ўртача яшаш йиллари.
ЎСИШ СУРЪАТЛАРИ– иқтисодий ҳодиса ва жараёнларнинг миқдор ва сифат жиҳатидан ўзгариш даражаси.
ҚИШЛОҚ ВРАЧЛИК ПУНКТИ– ўзига бириктирилган қишлоқ аҳолисига бирламчи тиббий санитария ёрдамини кўрсатувчи даволаш - профилактика муассасаси ҳисобланади. ҚВПни тузишдан мақсад умумий амалиёт шифокори ва оилага тиббий - ижтимоий хизмат кўрсатиш принципи асосида қишлоқ аҳолисига сифатли бирламчи ёрдамни кўрсатиш. ҚВПда аҳолига малакали тиббий ёрдам кўрсатувчи асосий фигура умумий амалиёт шифокори ҳисобланади.