Tyutor aslida kim?

---

Tyutor aslida kim?

---

Tyutor — talabalarning shaxsiy rivojlanishiga, institut, respublika va xalqaro miqyosdagi tanlov va
olimpiadalarda munosib ishtirok etishiga, shuningdek, ularning bo‘sh vaqtlarini mazmunli
o‘tkazishiga ko‘maklashuvchi inson bo‘lib, u yigit-qizlarni kasbga yo‘naltirish, Vatanga muhabbat
ruhida tarbiyalash, turli ilmiy to‘garaklarga jalb etish hamda muammo va kamchiliklarini o‘rganib,
ularga atroflicha yechim topish bilan shug‘ullanadi.
Nizomga ko‘ra, tyutorlarning asosiy maqsadi — ta’lim va tarbiya jarayonini samarali tashkil etishda
universitet va talabalar o‘rtasidagi munosabatlarni mustahkamlash, talabalarning universitet hayoti
va ta’lim jarayoniga moslashishiga ko‘maklashish, ularga uslubiy, ijtimoiy va psixologik yordam
ko‘rsatish va talabalarda tanlagan kasbiga muhabbatni oshirishdir. Shu bilan birga ular yigit-
qizlarning dars mashg‘ulotlarini muntazam tahlil qilib boradi va sifatini oshiradi, ularning darsdan
bo‘sh vaqtlarini mazmunli o‘tkazishini ta’minlaydi hamda ijtimoiy ahvolidan doimiy xabardor bo‘lib
turadi.
2021 yil 1-sentabrdan boshlab talabalar bilan ishlash bo`yicha “Guruh murabbiyi” instituti bekor
qilinib,davlat oliy ta`lim muassalarida 1-3-kurs talabalarining ma`naviy va ijtimoiy holatini doimiy
ravishda tahlil qilib boruvchi, mavjud muammolarini bartaraf etishda yaqindan yordam ko`rsatuvchi
tyutorlarni biriktirish amaliyoti yo`lga qo`yildi.
2021 yil 11-oktabrdan boshlab TTA Termiz filialida tyutorlar o`z faoliyatini boshlashdi. Nizomga
binoan, talabalarning kontengentidan kelib chiqib 12 ta tyutorga guruhlar taqsimlab berildi.
Hozirda ular o`ziga biriktirilgan guruhlar bilan muntazam ish olib bormoqdalar.