Tuzuvchilar: Maxmudov A. M

Tuzuvchilar: Maxmudov A.M.

Abduazizov N.A.
Maxmudov SH.A.
Mustafayev O.B
Ushbu uslubiy ko’rsatma bakalavriatning 5310700- "Elektr texnikasi, elektr mexanikasi va elektr texnologiyalari"; 5311600- "Konchilik ishi"; 5321100- "Noyob va radioaktiv metallar rudalarini qazib olish, qayta ishlash texnikasi va texnologiyasi" yo’nalishlari talabalarining "Kon mashinalari" va "Kon mashinalari va uskunalari" fanlaridan tajriba ishlarini bajarishlari uchun mo’ljallangan va professor-o’qituvchilar tomonidan konchilik sohasi boshqa ixtisoslik fanlaridan tajriba ishlarini o’tishlarida foydalanishlari mumkin.

Har bir mavzu bo’yicha asosiy nazariy tushunchalar, masalalarni yechish usullari, topshiriqlarni bajarish uchun birlamchi qiymatlar va mavzuga oid spravochnik ma`lumotlar yetarli darajada keltirilgan.

Navoiy davlat konchilik instituti ilmiy-uslubiy kengashi qarori bilan nashr qilinmoqda.

Taqrizchilar: Sobirov T.O. - NKMK bosh mexanigi

Atakulov L.N. – NDKI, t.f.n. KF dekani
KIRISH
“Kon mashinalari” va “Kon mashina va uskunalari” fanidan tajriba ishlarini bajarishga tayyorlangan uslubiy kursatmani asosiy maqsadi talabani bilimini chuqurlashtirish, kon mashinalari va uskunalarini to’g’ri tanlay bilishni va uning ekspluatatsion ko’rsatkichlarini aniqlashning zamonaviy usullarini o’rgatadi. 5310700- "Elektr texnikasi, elektr mexanikasi va elektr texnologiyalari"; 5311600- "Konchilik ishi"; 5321100- "Noyob va radioaktiv metallar rudalarini qazib olish, qayta ishlash texnikasi va texnologiyasi" yo’nalishi talabalariga “Kon mashinalari” va “Kon mashina va uskunalari” fani bo’yicha bajariladigan tajriba ishlarini, ochiq kon ishlarida va yer osti kon ishlarida ishlatiladigan burg’ilash stanoklari, ekskavatorlar, qazuvchi- tashuvchi mashinalar, qazuvchi va lahim o’tuvchi kombaynlar, strug va boshqa uskunalarni konstruktiv tuzilishi, ish prinsiplari, kon mashinalarini ishonchliligini o’z ichiga qamrab olgan. Kon mashinalarining uzluksiz va iqtisodiy samarali ishlashi, ularni ish jarayonida ish rejimlarini to’g’ri tanlash, o’zgartirish va belgilash, ishlab chiqarish jarayonlari samaradorligini oshirishning asosi bo’lib, kon korxonalarining iqtisodiy samarali ishlashi va foydali qazilmalarning tannarxining pasayishiga olib keladi. Talabalarning “Kon mashinalari” fanidan tajriba ishlarini o’rganishlari va bajarishlari, ularning kurs davomida olgan nazariy bilimlarini mustahkamlashga, chuqurlashtirishga va malakaviy bilim saviyasini oshirishga yordam beradi.