Тузувчи : Файзуллаева Н

Nazrorat va muhokama uchun savollar

1. 
   “Iqtisodiy tahlil” ning predmeti nima?
   
2. 
   Makroiqtisodiy tahlil qanday dialektika qonunlarga asoslanadi?
   
3. 
   Birlamchi statistikani yaratishning qanday bosqichlarini bilasiz?
   
4. 
   MHT iqtisodiyotning qanday sohalarida ishlatiladi?
   
5. 
   Makroiqtisodiy tahlilning qanday vositalarini bilasiz?
   

6. MHT tarixida qanday tendensiyalar birikmasi kuzatilgan ?

7. MHTda iqtisodiyotning qanday asosiy sektori farqlanadi ?

8. Uy xo‘jaliklari vazifasi nimadan iborat?

9. Korxonalar vazifasi nimadan iborat?

10. Moliyaviy sektor vazifasi nimadan iborat?

11. Hukumatning iqtisodiy roli nimadan iborat?

Mavzu-2. MAKROIQTISODIY TAHLILNING USLUBIYOTI VA USULLARI
2.1. Tahlilning mohiyati va boshqarishdagi o‘rni. Iqtisodiy tahlilning o‘ziga xos xususiyatlari.

Xalqaro iqtisodiyotga integratsiyalashish Xalqaro Valyuta fondi, Jahon Banki,Osiyo taraqqiyoti banki kabi xalqaro moliya tashkilotlar faoliyatiga qatnashish bir qancha qoidalarga rioya qilishni talab etadi. Bulardan biri bo‘lib mamlakatni iqtisodiy-ijtimoiy rivojlanishini tahlil qilganda makroiqtisodiy ko‘rsatkichlarini bir xil usul va uslublarda hisoblash kiradi. Mamlakatni iqtisodiy holatini, o‘tkazilayotgan joriy chora tadbirlarini zarurligini, samarasini baholashda iqtisodiy tahlil juda katta ahamiyatga ega. Tahlilning muhim vazifalaridan biri bo‘lib mamlakatda sodir bo‘layotgan jarayonlarni modellashtirishning sifatini oshirish, o‘tkazilayotgan iqtisodiy siyosatni natijalarini aniqlashdir.

Makroiqtisodiy tahlil ko‘rsatilgan iqtisodiy agregatlarni o‘zgarishlarini tushuntirib, iqtisodiyotda kutilmagan o‘zgarishlarni oldini olish va chora tadbirlarni ko‘rish uchun mamlakat mamuriyatiga belgilarni ko‘rsatishni maqsad qilib qo‘ygan. Mamlakatda sodir bo‘ladigan holatlarni aniq tahlili va undan keyingi zarur bo‘ladigan siyosatni ishlab chiqish, aniq iqtisodiy va statistik ma’lumotlari sistematik ravishda to‘planishni talab etadi.⁴

Makroiqtisodiy tahlil shunday vositadirki, uning yordamida makroiqtisodiy tahlil axborot ta’minoti, real sektor, to‘lov balansi, byudjet-soliq siyosati, pul-kredit siyosati, bandlik, ishsizlik va inflyasiya darajalar ustidan nazorat yuritish mumkin bo‘ladi.