Тузувчи : Файзуллаева Н

Ko‘lamiga ko‘ra: Mahalliy inflyasiya, ayrim mamlakatlarda yuz beradigan inflyasiya;

Ish haqi o‘sishi bilan kelib chiqadigan inflyasiya. Ish haqi o‘sishi bilan kelib chiqadigan inflyasiya iqtisodiet uchun eng xavfli inflyasiya turidir. Kasaba uyushmalarning talablariga ko‘ra eki davlat tomonidan minimal ish haqining oshirilishi natijasida ish haqining umumiy darajasi oshadi.



8.3.2-rasm. Ish haqi o‘sishi bilan kelib chiqadigan inflyasiya¹⁶.

Bu esa jami talabni oshiradi va AD egri chizig‘ini o‘ngga AD1 gacha suradi. Ish haqining oshishi o‘z navbatda ishlab chiqaruvchilar uchun qo‘shimcha xarajat bo‘lib, jami taklifni qisqartiradi va AS egri chizig‘ini chapga AS1gacha suradi. Natijada ishlab chiqarish hajmi o‘zgarmasada, narxlar oshadi. Bu esa ish haqining nominal o‘sishini yo‘qqa chiqaradi. Agar kasaba uyushmalari qo‘shimcha ish haqining oshirishini talab qilishsa, bu inflyasiyaning yana bir chirmalishiga va narxlarning o‘sishiga olib keladi. Bu jarayon cheksiz davom ettirilishi mumkin. Bu inflyasion spiraldir.

Shuningdek, bashorat qilish mumkinligiga qarab kutilayotgan va kutilmagan inflyasiya farqlanadi. Kutilayotgan inflyasiya va uning oqibatlarini oldindan bashorat qilish mumkin, kutilmagan inflyasiyani oldindan aytib bo‘lmaydi. Birinchi holda inflyasiyaning kutilayotgan salbiy oqibatlariga tayyorlanib, uni sezilarli darajada yumshatish mumkin. Ikkinchi holda narxlarning kutilmagan o‘sishi natijasida mamlakat iqtisodiy axvolining sezilarli yomonlashuvi ro‘y berishi mumkin.