«turon-iqbol»

Ilk qadam
TANHO OY
Tunda oyning yuzida,
Sening aksing ko‘rardim.
Havas qilib oydan men,
Kelishini so‘rardim.
Oydan xabar kelmasdi 
U turardi jim sokin.
Tanholigin bilganday,
O‘zi xon o‘zi hokim.
 
Qani kel ey, oymomo,
Mening dardim bilsangchi.
Dildorim olislarda
Sevishimni aytsangchi.
    
TIL
Mir Alisher Navoiydan qolgan til,
Necha asr sayqalini olgan til.
Necha-necha g‘ayri so‘zlar dastidan
Qutqarmasak bo‘lamiz yog‘iy johil.
Bu so‘zlar-ku o‘zi bizga begona,
Asta-sekin yoyilmoqda jahona.
Yod so‘zlardan qilajakmiz himoya,
Milliyligim aslidursan durdona.
Ona tilim, senga ta’zim senga shon,
Alisherdan barcha ogoh bu jahon.
Senda bari mo‘jizalar mujassam
Umring mangu etaversin bardavom.

---

132
Ilk qadam
Murodqulov Rahmatullo 2008-yil 11- 
martda Samarqand viloyati Pasrdarg‘om 
tumani Charxin mahallasida tug‘ilgan.2 
018-yilgacha tumandagi 53-umumta’lim 
maktabida tahsil olgan. Hozirda 28-IDUMI 
da o‘qib kelmoqda. She’r va maqolalari “Past 
Darg‘om haqiqati”, “Istiqlol umidlari” kabi 
gazetalarda chop etilgan. “Jilg‘a” nomli bayozga she’rlari kiritil-
gan. Samarqand yosh ijodkorlar Kengashi a’zosi.
AYOLNI 
Bir kun bir she’r yozdim dildan chiqarib,
Ayolni inson de, inson de faqat.
Ayollar Allohning mo‘jizasidir,
Ayoldir har nega qilguvchi toqat.
Ayolni xo‘rlama, ozorlamagin,
Xudoning qahriga qolib ketarsan.
Ayolga mehr ber, sevgin, sevilgin,
Bu dunyo savobin olib ketarsan.
Ayolni o‘zi-yu ko‘ngli sarishta,
Qandayin musaffo, sofdir bu xayol.
Ayol misolidir nurli farishta,
Farishtadan a’lo aslida ayol.

---

133