«turon-iqbol»

Ilk qadam
Sevgi shumi menga vafoying,
Qalbda edi so‘nmas navoying,
Senga tobe Odam Atoying,
Bo‘ldi endi qaytib sevmayman.
YIROQ
Hamon yodimdasan ey go‘zal dildor,
O‘zimga sezilar ajib bir titroq.
Ko‘nglim unsiz yig‘laydi sirdosh,
Mendan olisdasan oydanda yiroq.
Atirgulim atring endi taralmaydi,
Boshqa bog‘bon bog‘idasan mendan olis.
Endi ko‘zim nafis gulga qaramaydi,
Nazarimda bir umrga men ham yolg‘iz.
Chiroyligim sho‘x soyligim bo‘lgin baxtli,
She’rlarimdan yor topolmay yuzim burdim.
Sinovlarda bardam bo‘lgin va bardoshli,
Atirgulni kuyga solgan navo bo‘ldim. 
   
GUNOH YO‘Q
Baland tog‘ning cho‘qqisida qalin oppoq qor,
Menda, sizda bilmam qancha gunoh bor.
Qiynasa qiynasin, qiynasin takror,
Biling muhabbatda aslo gunoh yo‘q.
Avvalo muhabbat bo‘lgay Robbimga,
Jigarim, qarindosh so‘ngra yorimga.
Shu so‘zni aytayin do‘st-dildorimga,
Biling muhabbatda aslo gunoh yo‘q.

---

130
Ilk qadam
Muhabbat azob deb undan tondilar,
Muhabbatga boshdan sirtmoq soldilar.
Qarang muhabbatdan qancha shod dillar,
Biling muhabbatda aslo gunoh yo‘q.
Chin sevgi, muhabbat azobli bo‘lmas,
Bo‘ronli kunlarga, yovga tutqunmas,
Dunyoni kezar u, bir on turg‘unmas,
Biling muhabbatda aslo gunoh yo‘q.
    
SINFDOSH QIZ
O‘sha onlar yodimda
Sen men uchun sirdosh qiz,
Bugun esa qalbimda
Bir umrga o‘chmas iz.
Sinfdosh qiz dilingda, 
Shoir uchun joy bormi?
Seni pinhon sevganman,
Bilmam qalbim aybdormi?
Tor ko‘chalik sinfdosh,
Ko‘changdek tor bu qalbing.
Senga borin aytaman 
Chiroylisan shu aybing.
Mayli meni eslama,
Mayli men deb yig‘lama.
Birinchi muhabbatim
Sen armonim bo‘zlama.
  

---

131