«turon-iqbol»

Ilk qadam
* * *
Uzoqdan taralar sokin kuylar,
Tun bo‘yi yig‘latib bermadi uyqu.
Hajrdan qiynalar ikki ko‘ngillar,
Yurakni o‘rtardi notanish cholg‘u...
Xayollarim qul bo‘ldi qayg‘uga,
Ishq shodligidan etdi furqat.
Imkon berildi so‘nggi orzuga,
U haqida o‘ylashga faqat.
Sof hislarim qayg‘uga sherik,
Kuy tinardi ahyon-ahyonda,
Holsiz tanim hali ham tirik,
To‘y bo‘lardi qo‘shni tomonda.
O, yana o‘sha kuy, yana o‘sha firoq,
Bir ko‘ngillardan ketdimi ozori.
Yurakda boshlanar yana o‘sha titroq,
Zaminni tutgandi to‘yning yor-yori.
Yuragimni o‘rtardi notanish cholg‘u...
* * *
Sabr tilayman senga bahorim,
Bizni bedor kutganing uchun.
Sen yig‘lama ko‘nglimda borim,
Unga kelib aytganim uchun.
Hasratingni bag‘rimga ekdi shamollar,
Beg‘araz tuyg‘ularni ko‘nglingga soldi.
Kecha qalbingdan yulib otgan xayollar,
Mening tog‘ ko‘kragimga sanchilib qoldi.

---

111
Ilk qadam
Mayli, ketaqolgin, ortingga boqmay,
Meni dardlarimni qilma tasavvur.
Seni jamolingni bugun tong otmay,
Mening qonim bilan chizdi musavvir.
Jonim qolmadi hech, lek ruhim bisyor,
Sening yuragingni imlab chaqirgim.
Olovdan chiqqandek yuragim ilk bor,
Tomog‘imni yirtib keldi baqirgim.
Sening izlaringdan topmadim najot,
Qaniydi etolsam umrimni tortiq.
Bugun ko‘kragimga tig‘ urdi hayot,
Xayolimni esa sovurdi borliq...
* * *
O‘tdi qancha tunlarim bedor,
Dunyo ko‘rindi ko‘zimga tor,
Sog‘inch tinmay beradi ozor.
Uxlolmadim axir, sira tonggacha,
Onamni sog‘inib yig‘lagan kecha.
Sog‘indim, nuri ketgan ko‘zingizni,
Sog‘indim, “bolam” degan so‘zingizni.
Dunyolarni chetga surib qo‘ydim-u,
Sog‘indim, mehribonim o‘zingizni.
Onamni eslasam shod bo‘lar ko‘nglim,
Ko‘zimga ko‘rining tushimda, o‘ngim,
“Onam qayerda” deb so‘raydi singlim.
Sog‘inib- yurakni tig‘lagan kecha,
Onamni sog‘inib yig‘lagan kecha.

---

112