«turon-iqbol»

Ilk qadam
FALAK
Javob ayla menga ey, falak,
Nega bugun jimsan, parishon.
Yulduzlaring sochmayapti nur,
Oy ham yo‘qdir qo‘yningda hamon.
Quyoshning ham tobi yo‘q ancha,
Majburlikdan sochmoqdami nur.
Yoki biror inson dastidan,
Topolmaydi hech qachon huzur.
TASHAKKUR
Shuncha yil yashabman, nolib yashabman,
Alloh berganingga shukrona aytmay.
Ko‘rsatgan kuningga, bergan umringga,
Hamdlar aytmasdan yashabman qanday?
Yo‘q debman boriga qanoat qilmay,
Ba’zida yig‘labman o‘zimcha men haq.
Sekin-astalikda hayot ko‘rsatdi,
Dunyoda kim haq-u kimligin nohaq.
Shukrki yonimda ota-onam bor,
Dono singillarim, erkatoy ukam.
Shukrki baxtim bor, sog‘dir to‘rt mucham
Endi ayting, menda nima kam?

---

104