xavfsizlik, millatlararo totuvlik va diniy bag‘rikenglikni ta’minlash, chuqur o‘ylangan, o‘zaro manfaatli va amaliy ruhdagi tashqi siyosat yuritishga yo‘naltirilgan
xavfsizlik, millatlararo totuvlik va diniy bag‘rikenglikni ta’minlash, chuqur o‘ylangan, o‘zaro manfaatli va amaliy ruhdagi tashqi siyosat yuritishga yo‘naltirilgan davlatimiz mustaqilligi va suverenitetini mustahkamlash, O‘zbekistonning yon-atrofida xavfsizlik, barqarorlik va ahil qo‘shnichilik muhitini shakllantirish, mamlakatimizning xalqaro nufuzini mustahkamlash.
Inqiroz sharoitida ushbu dolzarb vazifani hal qilish borasida salmoqli, ijobiy natijalarga erishildi. Ammo, hozirda ham tadbirkorlikni rivojlantirishning huquqiy va iqtisodiy shart- sharoitlarini takomillashtirish, uni pul mablag‘lari bilan ta’minlash muammolari o‘z yechimini kutmoqda. Tadqiqotning dolzarbligi jaxon moliyaviy iqtisodiy inqirozi sharoitida xizmat soxalarini rivojlantirish orkali bandlik masalalarini yetarlicha ilmiy tadqiq etilmaganligi va bu borada bir qator muammolar mavjud ekanligi bilan belgilanadi.
Bozor islohotlarining amalga oshirilishi, mamlakatning jahon hamjamiyatiga integratsiyalashuvi, jahon iqtisodiy tizimining bilimlar va axborot rolining o’sishi tomon o’zgarishi, yangi texnologiyalar va kapital bozori o’rtasidagi aloqalar kuchayishi bilan mamlakatimiz iqtisodiyotining innovatsion rivojlanish yo’liga o’tishi dolzarb ahamiyat kasb etadi. Dunyoning yetakchi rivojlangan va rivojlanayotgan mamlakatlarida rivojlanish umumiy qonuniyatlari va tendensiyalarini bilish, shuningdek, boy tabiiy resurslar, ishlab chiqarish va ilmiy-texnik salohiyatga ega bo’lgan O’zbekistonning o’ziga xos sharoitlarini hisobga olgan holdagina O’zbekistonning innovatsion rivojlanish yo’liga o’tish yo’llari va usullarini ishlab chiqish mumkin.
Zamonaviy dunyoda intellektual mahsulotning tijoratlashuvi, fan va texnika rolining tubdan o’zgarishi sababli har bir davlat, shuningdek, alohida korxonalar darajasigacha bo’lgan quyi boshqaruv darajasidagi strukturalar bozor sharoitlarida ilmiy texnik va innovatsion faoliyatga resurslar ajratish, bu faoliyat natijalarini amalga oshirishga o’z munosabati haqida tasavvurga ega bo’lishi, ya’ni mamlakat, mintaqa, tashkilot va alohida shaxsning belgilangan ijtimoiyiqtisodiy maqsadlariga samarali erishish imkonini beradigan o’z innovatsion siyosatini ishlab chiqishi lozim. Bundan xizmatlar sohasi ham mustasno emas.
Iqtisodiyotni modernizastiyalash sharoitida xizmat ko'rsatish korxonalari o’z faoliyatlarini doimiy takomillashtirib borishlari uchun zamonaviy texnika va texnologiyalarga ehtiyoj tug’iladi. Bunda innovatsion faoliyat rivojlanishning kafolati sifatida xizmat qiladi. Innovatsion faoliyatni chuqur o’rganish maqsadida fanga jiddiy yondashish talab etiladi.
Servisda innovatsion faoliyatni davlat tomonidan rag’batlantirish alohida ahamiyat kasb etadi. Bu esa respublikamizda innovatsion faoliyatni xalqaro talablar asosida takomillashtirishni zarur qilib qo’ymoqda‚ ayniqsa respublikamizning jahon hamjamiyatiga qo’shilishi, turli xalqaro tashkilotlarda qatnashishi innovatsion rivojlanishning uslubiy tamoyillarini jahon amaliyotida qabul qilingan andozalar talablariga javob berishni talab etadi.
Respublikamizda innovatsion faoliyatni tartibga solish uchun mustahkam qonunchilik tizimi tashkil etilgan bo’lib, hozirgi kunda yanada takomillashtirishga alohida e’tibor qaratilib kelinmoqda. Innovatsion faoliyatni tashkil etishning uslubi va uslubiyotini takomillashtirishdan maqsad innovastiyalar bo’yicha konseptsiyalar yaratish va ularni iqtisodiyotimizning o’ziga xos xususiyatlarini hisobga olgan holda amaliyotga joriy etish zaruriyati bilan izohlanadi.
Hozirgi vaqtda butun dunyoda, shuningdek O‘zbekistonda ham iqtisodiyotning noishlab chiqarish, xususan xizmat ko’rsatish sohasiga e’tibor tobora kuchayib bormoqda. Insonlar bo‘sh vaqtlarini samarali o‘tkazib, dam olishga, sog‘ligini tiklashga, dunyoni, xalqlarning urf - odatlari, qadriyatlarini bilishga intilmoqdalar. Bunday xizmatlarni turizm sohasi ko‘rsatadi. XX asrga kelib bunday intilishlar kuchaydi va xizmatlar sohasini rivojlanishiga turtki bo‘ldi. Ayrim mamlakatlarda turizm sohasi juda ham barqaror rivojlanib bormoqda va ularning har yillik o‘sish sur’ati 11%-12% gacha boradi.
Bu esa xizmat ko’rsatish sohasining qanchalik darajada mamlakatlar iqtisodiyoti tizimida hal qiluvchi ahamiyatga ega ekanligidan dalolat beradi.
Shunisi qiziqki, turizm rivojlanishi natijasida transport, bozor infratuzilmasi, savdo-sotiq, oziq-ovqat tarmoqlari, qurilish, hunarmandchilik va boshqa xizmat ko‘rsatish tarmoqlari ham rivojlanib boradi.
O‘zbekiston yangi XXI asrga shaxdam qadamlar bilan kirib keldi. XXI asr turizm va sayyohlik asri bo‘ladi deb bashorat qilinmoqda. XXI asrda turizm o‘zining salmoqli hissasi bilan viloyatimizga byudjetida valyuta tushumini ta’minlaydi. Bunga viloyatimizda har tomonlama imkoniyatlar va asoslar yetarli. Faqat zamonaviy turizmni rivojlantirish strategiyasini hayotga tatbiq etib, xizmatlar sohasini yuqori pog‘onalarga ko‘tarish imkoniyatini yaratishimiz kerak.
Kelajakda aholiga xizmat ko‘rsatish sohasining kengayishi munosabati bilan xizmat ko‘rsatish sohasida band bo‘lganlar soni ortib boradi. Turizm sohasida hamkorlik qilish orqali xo‘jalikning jadal rivojlanishi, uning iqtisodiy ahamiyatining o‘sishi turistik xizmat sohasining katta foyda keltira olishi, bu sohaga sarmoyalarni ko‘plab sarflanishiga olib keldi. Mablag‘ni ko‘p talab qilishiga qaramay, turistik sohaga sarflangan sarmoya juda foydalidir, chunki u o‘zini nisbatan tez qoplaydi. Xorijiy turistlardan olinadigan pul tushumlari daromadga aylanadi va milliy iqtisodiyotning turli tarmoqlarida muomalada bo‘ladi.