Туризм, таълим ва и қ тисодиёт тармо қ лар

Guldo`zi – 
bunda tikilayotgan naqshning tagi ochiq qolib faqat gul 
naqshlarining o`zi zar bilan tikiladi. Guldo`zi tikish usuli o`ziga xos bo`lib, bu quyidgi 
bosqichda bajariladi. Naqqosh tomonidan naqsh chiziladi. Naqsh nusxasi qalin qog`oz, 
karton yoki teridan qirqib andozasi tayyorlanadi. Sig`irga baxmal matog tikib chiqiladi 
yoki yelimlanadi. Karton nusxani zar ip bilan qoplab tikib chiqiladi. Biroz bo`rtma 
naqsh gul hosil bo`ladi.
Endi zardo`zlikda zar tikish xillari hamda usullari to`g`risida to`xtalib o`tamiz. 
Biz aytib o`tiladigan tikish xillarining ko`pchiligi zardo`zlikda qo`llanilayapti. 
Ayrimlari deyarli qo`llanilmaydi. Bu tikish xillari ham qo`llanilsada lekin uning 
ishlatilish sohasini topsa bo`ladi. Bu ususllarning yo`q bo`lib unitilib ketayotgani 
kishini achintiradi. Qadimdan qo`llanilib qilingan tikish usullaridan yosh avlod 
foydalansa xalq yaratgan an`anaviy, nodir uslublarini asrab qolgan bo`lar edik. 

---

58 
Yak ra mavj, yak ra chashmi bulbul – 
bu tikish usulida mavji yak ro`l bilan 
tikish chashmi bulbul qo`shib tikilib, bir yo`li mavj bir yo`li chashmi bulbul hosil 
qilgani uchun unga shu nom berilgan. Bu usul zardo`zlarni shu san`atga ijodiy 
yondashi tufayli yuzaga kelgan.
Chashmi bulbul –
bulbulning ko`zi degani. U shaxmat xonalariga o`xshab ketib 
to`rtburchak naqshlar ajoyib mavjlanib turadi. Naqshlar siddi bilan sanab tikiladi. 
Xuddi boshqa zamindo`zidagidek tikiladi. Tovus, xurshid kabi qadimgi buxorocha 
do`ppilar gir aylanasining tepa qismiga “obiponcha” ishlatilgan. U kartondan kesib, 
zamindo`zi ustiga to`rt qavat kumush zar bilan tikib chiqiladi.
Mavji du ro`ya –
ikki tomonlama mavj, zamindo`zining qismlaridan biri bo`lib 
o`ziga xos tikiladi. Chunonchi siddi shaboda daryoning mavj urib turganligini eslatadi. 
Shuning uchun mavj du ro`l ataladi. Obi lo`la deb ataladigan ip ishlatiladi. U 
zardo`zlikda ip siddilardan yo`g`onroq bo`lib, jaydari ipdan 20 – 25 qavat qilib qattiq 
eshiladi. Chigora misol siddilarning har ikki chetiga tortiladi. Obi lo`la zamindo`zining 
chetlari chiroyli chiqishi uchun ishlatilib, zamindo`zi uning kichikligiga harab siddilar 
soni ko`paytiriladi. Lekin obi lo`la ikki qatorligicha qolaveradi.