Turizm sohasini boshqarishning tashkiliy tuzilmasi. Reja

Turizm sohasi menejerlari. Turizmda zamonaviy menejer faoliyati

Turistik firmaning menejeri firma faoliyatini boshqarishda bosh ma’sul hisoblanadi. Lekin barcha turistik firmalarning menejeri bir xil vazifani bajarmaydi, balki turistik firmaning faoliyat ko‘rsatish yo‘nalishlari turli-tuman bo‘lganligidan menejerlar faoliyati ham xilma-xildir.

Birinchidan, turistik firmada boshqaruv haqidagi qarorlarni va bu qarorlarning bajarilishini menejer boshqaradi. Firmaning to‘g‘ri faoliyat yuritishga ham asosiy javobgar rahbarlardan biri menejer hisoblanadi.

Ikkinchidan, menejerning axborotlar bo‘yicha turistik firmani boshqarishi ham o‘ta ma’sul, zamonaviy talabdir. Boshqaruvda menejer eng ishonchli axborotlarni to‘plab tahlil qiladi. Menejer axborotlarni qanchalik puxta tanlasa va tegishli, to‘g‘ri qaror qabul qilsa ijroni bajaruvchilar ham firma ishlab chiqarishida aniq, belgilangan yutuqlarni erishadilar.

Uchinchidan, menejer turistik firmaning rahbari sifatida ish ko‘rib, firmaning ichki va tashqi muhitini ijobiy holatda belgilaydi. Menejer bu tashkilotda alohida mavqe’ga ega bo‘lgan ishonchli shaxs. U o‘zining orqasidan odamlarni ergashtiradi, odamlar ham uning ish uslubiga, g‘oyasiga ishongani uchun unga ergashadilar.

Mehmonxona biznesi boshqaruvning yuqori darajadagi innovatsiyani cheklab qo‘yadi yoki o‘zlarini menejerlari bilan birga xizmat ko‘rsatish xodimlari o‘z zimmalariga olganini yaxshilash bo‘yicha javobgarlikni e’tiborga olmaydi, albatta o‘zining tashkiliy o‘rganish va bilim bazalarini cheklab qo‘yadi va shu sababli u biznesni eskirishi (ishdan chiqishiga) olib keladi.

Bozor iqtisodiyoti sharoitida zamonaviy turizmda turistik firmaning zamonaviy menejeridan quyidagilar talab qilinadi:

• 
  o‘z-o‘zini boshqarish qobiliyatiga ega bo‘lishi;
  
• 
  aql-farosat hislatlariga ega bo‘lishi;
  
• 
  aniq shaxsiy maqsadlari bo‘lishi;
  
• 
  o‘z-o‘zini har xil jihatlarda o‘stirib, kamol toptirib borishi;
  
• 
  muammolarni yechish ko‘nikmalarining bo‘lishi;
  
• 
  innovatsiyalarni to‘g‘ri qabul qilishi;
  
• 
  atrofdagilarga ta’sir qila bilishi;
  
• 
  zamonaviy boshqaruvga yondasha bilishi;
  
• 
  tashkilotchilik qobiliyatiga ega bo‘lishi;
  
• 
  ishlovchilarini o‘qita bilishi;
  
• 
  mehnat jamoasini shakllantirish va rivojlantirish qobiliyatiga ega.
  

Foydalanilgan adabiyotlar

1. 
   Lundberg D., Krishnamurthy M. – Tourism Economics. New York: John Wiley Sons Ine. 2003. –р. 114.
   
2. 
   O’zbеkiston Rеspublikasi Birinchi Prеzidеnti Islom Karimovning BMT Jahon sayyoxlik tashkiloti Ijroiya kеngashi 99-sеssiyasining ochilish marosimidagi nutqi. Mohiyat.2014, 3 oktyabr № 40.
   
3. 
   Introduction to Management Hospitality. Clayron W.Barrows and anothets. USA, 2012.
   
4. 
   By Arturo Cuenllas. Innovation in hospitality management. Madrid. Spain.2012 y. –р 6.