Туризм: назария ва амалиёт” фанидан курс иши ёзиш тартиби ва унга қўйиладиган талаблар

“Туризм: назария ва амалиёт” фанидан курс иши ёзиш тартиби ва унга қўйиладиган талаблар

“Туризм: назария ва амалиёт” фанидан курс иши баҳорги семестрнинг охирида комиссия олдида ҳимоя тарзида май ойининг охирларида кунлари қабул қилинади.

Курс ишини ёзиш ва расмийлаштириш тартиби:

1. Курс иши компьютерда кирилл ёки лотин ёзувида имловий хатоларсиз терилиб, ёзилади.

2. Курс ишининг таркиби мундарижа, кириш, иккита боб, хулоса ва тавсиялар, адабиётлар рўйхатидан иборат бўлади.
3. Ҳар бир бобнинг таркиби 3 та бўлим (параграф)дан иборат бўлади.
4. Курс ишининг хажми 35-45 саҳифада, 1,5 интервалда, 14 шрифтда ва Times New Roman шрифтда ёзилади.
5. Бетларнинг ўлчами юқори ва пастдан 2,0 см., чап томондан 3,0 см. ва ўнг томонидан 1,5 см. бўлади.
6. Ишнинг 1 бобида мавзу бўйича тўпланган назарий маълумотлар, 2-бобида олиб борилган таҳлиллар ва берилган мавзуга хос давлатлар тажрибалари ҳақида ёзилади.
7. Ишнинг айрим бетларида фойдаланилган манба ва адабиётлар ҳаволалари келтирилиши керак.
8. Кириш 2-3 бет, хулоса ва тавсиялар 2-3 бет ва камида 20 та фойдаланилган адабиётлар берилиши керак (масалан, 10 та адабиёт ва 10 та интернет сайтлари).
9. Адабиётлар янги бўлиши ва президент асарларидан фойдаланилиши лозим.
10. Ишнинг биринчи бобида адабиётлар ва иккинчи бобида эса интернет маълумотларидан кенг фойдаланилади.
11. Иккинчи бобда келтириладиган кўрсаткичлар 2013, 2014, 2015 ва 2016 йиллар бўйича таҳлил қилиниши лозим.
12. Курс ишининг таркибига таржима қилинган хорижий адабиётларнинг маълумоти ҳам қиритилиши мумкин.
13. Курс ишига мавзуга хос ҳолат бўлган давлатларнинг 5-10 та хариталари, расмлари ҳам қўшилиши мумкин.
14. Курс иши қоғозга чоп қилинади ва дискка ёзиб топширилади (дискда курс ишининг Word шакли, rtf. форматда ва 15-20 бетдан иборат презентацияси жойлаштирилади).
15. Курс ишидаги мундарижа намунадаги талабга мувофиқ тузилади.
Шунингдек, талаба март ойида курс иши мавзуси бўйича тузган режа ва тўплаган маълумотларини бириктирилган раҳбарига кўрсатиши лозим. Курс ишининг тайёр бўлган дастлабки варианти бир ой олдин курс иши раҳбарига кўрсатилади. Раҳбарнинг кўрсатган камчиликлари талаба томонидан тузатилади. Курс ишининг мазмуни талаба томонидан ҳимоя санасида 4-5 минут тушунтириб берилади, 3-5 та савол берилади.