Тупроқшунослик ва агрокимё илмий-тадқИҚот институти ҳузуридаги илмий даражалар берувчи dsс

Тадқиқот натижаларининг ишончлилиги. 
Тадқиқотларда дала, 
лаборатория, камерал, кимёвий-аналитик, генетик-географик, картографик, 
солиштирма услубларнинг бажарилганлиги, уларни статистик таҳлил 
қилиниши, олинган натижаларни илмий асосланганлиги, амалиётда 
тасдиқланганлиги ва умумқабул қилинган ҳамда охирги нашр этилган 
услубий кўрсатмалар ҳамда қўлланмалар асосида амалга оширилганлиги, 
республика ва халқаро миқёсда ўтказилган илмий-амалий конференцияларда 
муҳокама қилинганлиги, Ўзбекистон Республикаси Вазирлар Маҳкамаси 
ҳузуридаги Олий аттестация комиссияси томонидан эътироф этилган 
нуфузли хорижий ва республика даврий илмий нашрларида чоп этилганлиги, 
натижаларнинг амалиётга жорий этилганлиги ишончлилигини кўрсатади. 
Тадқиқот натижаларининг илмий ва амалий аҳамияти. 
Тадқиқот 
натижаларининг илмий аҳамияти бўз минтақа воҳа тупроқлари унумдорлиги 
шаклланиши жараёнида гумуснинг сингдирилган асослар, иль ва чанг 
заррачалари, ҳажм оғирлиги каби хосса-хусусиятлари билан корреляцион 
боғлиқлиги асосланганлиги, турли регионлардан оқиб ўтувчи дарёлар 
муаллақ оқизиқлари таъсирида шимоли-шарқий региондан > марказий > 
жанубий регион томон агроирригацион қатламлар шаклланиши ҳисобига 
воҳа тупроқлари нисбий ёшининг ортганлиги, воҳа тупроқлари умумфизик 

---

10 
хоссаларининг «критик чегаралари», микро-, макроагрегатлик ҳолати ва 
карбонатлашганлик даражаси баҳоланганлиги, гумус миқдорига боғлиқ 
ҳолда сингдириш сиғими ижобий томонга ўзгариши далилланганлиги, 
умумий тузлар миқдорига нисбатан заҳарли тузларнинг улуши турли 
регионлар воҳа тупроқларидаги сувда қийин эрийдиган сульфатли тузларга 
бевосита боғлиқлиги илмий асосланганлиги билан изоҳланади. 
Тадқиқот натижаларининг амалий аҳамияти шундан иборатки, бўз-воҳа 
тупроқлари учун тузилган тупроқ карталари ва тупроқ шўрланганлиги 
картограммалари ҳамда тавсиялар воҳа тупроқлар унумдорлигини сақлаш ва 
ошириш, турли даражада шўрланган ерларда мелиоратив тадбирларни тўғри 
ташкил қилиш, улардан самарали фойдаланишга доир чора-тадбирларни 
белгилашда асос бўлиб хизмат қилади.