Tuproqshunoslik va geografiya

Malakaviy bitiruv ishining asosiy maqsadi: Buxoro viloyati toponimiyasining tarkibiy qismlaridan biri bo’lgan Vobkent tuman hududidagi geografik joy nomlarining kelib chiqishini, geografik xususiyatlarini tarixiy yozma yodgorliklar va boshqa manbalardan foydalanib, o’rganish, ularning kelib chiqishiga ko’ra turlarga ajratish, shuningdek geografik nuqtai-nazardan tahlil etishdir.
Ushbu maqsadni amalga oshirish uchun tadqiqot oldiga quyidagi vazifalar qo’yildi:
* Geografik joy nomlarining, xususan Buxoro viloyati hududidagi joy nomlarining tadqiq qilinish darajasini belgilash;
* Aholining kasb-kori va iqtisodiy turmushi asosida vujudga kelgan joy nomlari (professionimlar), ijtimoiy-siyosiy terminlar bilan bog’liq joy nomlari, afsonaviy, diniy nomlar, ko’chma oykonimlar va neotoponimlarning asosiy xususiyatlari kabi masalalarni hal etish;
* Vobkent tumanidagi geografik joy nomlarini geografik nuqtai-nazardan tahlil etishni;
* Geografik joy nomlarini atalishiga ko’ra turkumlarga bo’lish va tavsiflash;