Treyderlar uchun qo’llanma: Doimiy daromad qiluvchi Treyder bo’lishning eng tez va xavfsiz yo’li

Shamcha Signallari va Shablonlari

Oddiy shamcha tana va ikkita soyalardan tashkil topadi. Uning tanasi ochilish va yopilish narxlarini ko’rsatadi. Buqalar shamchasining yopilish narxi ochilish narxidan tepada bo’ladi. Ayiqlar shamchasida esa yopilish narxi ochilish narxidan pastroqda bo’ladi.

Grafikda buqalar va ayiqlar shamchalarini bir birlaridan farqlash maqsadida ular turli xil ranglarda ko’rsatiladi. Odatda, buqalar shamchalari oq yoki yashil, ayiqlar shamchalari esa qora yoki qizil rangda bo’ladi. Buqalar va ayiqlar shamchalarining ikkalasida ham yuqori soya o’sha davr mobaynidagi maksimal narxni, pastki soya esa minimal narxni ko’rsatadi.

Oddiy shamcha anatomiyasini oddiy so’zlarda tasvirlaydigan bo’lsak manashunday bo’ladi. Lekin shamchalar turli xil shakllarda paydo bo’lib xar xil shablonlarni ham shakillantirishi mumkin. Har bir shakl va shablon alohida signal bo’lib treyderga nima qilish kerakligidan habar beradi. Shamchalar bozordagi juda zo’r indikatordir. Ko’plab professional treyderlar savdo qilishga shamchalardan boshqa hech narsani ishlatishmaydi.

Ochilish va yopilish narxlar deyarli bir xil bo’lganida Doji paydo bo’ladi. Doji huddi xochga, teskari xochga yoki plyus belgisiga o’xshash bo’ladi. U buqlar yoki sotib oluvchilar (buyerlar) va ayiqlar yoki sotuvchilar (sellerlar) soni deyarli tengligini, ulardan birortasining ham boshqasidan ustunroq, ko’proq emasligini ko’rsatadi. Shu sababli doji bozordagi ikkilanishni ko’rsatadi. Dojidan keyin esa bozor avvalgi yo’nalishida trend bo’ylab harakatini davom ettirishi, yo’nalishini o’zgartirishi yoki saydways harakat boshlashi mumkin. Agar pozitsiyangiz bo’lsa, doji paydo bo’lgach pozitsiyangizni yopib foydangizni olganligingiz maqul. Chunki undan keyin ko’pincha narx yo’nalishini o’zgartirishi mumkin.

Yapon shamcha signallarining ko’pchiligi narx yo’nalishini o’zgartiruvchi (reversal) hisoblanadi.

Hammer va Hanging Man