Тренинг по навигации поиска на платформе ebscohost. Особенности и основные функции

KUCHLI IFLOSLANGAN KIRLARNI YUVISH DASTURLARI
Kuchli ifloslangan kirlarni yuvish va dog‘lardan tozalash uchun mo‘ljallangan bir qator dasturlar mavjud. «Ivitish» dasturi kirlarni yuvish vositasi solingan suvda bir necha soat ivitish imkoniyatini ta’minlaydi, bunda vaqti-vaqti bilan kirlar avtomatik tarzda aralashtirib turiladi. Shuningdek eski dog‘larni quruq dog‘dan tozalovchi vositalarni qo‘llagan holda ketqizish uchun mo‘ljallangan intensiv yuvish dasturlari mavjud.
BIODASTUR YOKI PAST HARORATLI SUVDA YUVISH DASTURI
Biodastur (bio-faza) barcha kir yuvish mashinalarida mavjud, u kirni bioqo‘shimchali kukunlarni qo‘llagan holda 40°C haroratda yuvishni nazarda tutadi. Dastur kukunlar tarkibidagi enzimlarni faollashtirish imkoniyatini yaratadi, chunki 60°C va undan yuqori haroratda enzimlar o‘ladi. Birqo‘shimchali kukunlar yordamida organik mahsulotlar (qon, ketchup, qaylalar, yog‘li dog‘lar) tufayli tushgan dog‘lar yaxshi tozalanadi va kirlar standart yuvish tartibiga tayyorlanadi. Bioqo‘shimchali kukunlar muayyan afzalliklarga ega bo‘lsadaular shoyi va jun uchun, bu gazlamalar oqsillik moddalardan iborat bo‘lishi sababli, xavfli hisoblanadi.
HAR XIL BUYUM TURLARINI YUVISH
Kir yuvish mashinalarini oldindan o‘rnatilgan dasturlar orasida buyumlarni har xil turlarini yuvish uchun mo‘ljallangan dasturlarni ko‘rish mumkin. Misol uchun, bu «Bolalar kirini yuvish dasturi», «Jinsi», Yostiqlar, «Sport kiyimi», «Krossovka» bo‘lishi mumkin va bu dasturlarda muayyan kiyim-kechak turini yuvish uchun eng oqilona sharoitlar nazarda tutilgan bo‘ladi.
YUVISH JARAYONINING ELEKTRON NAZORAT TIZIMLARI
Kir yuvish mashinalarida elektron nazorat tizimlari turlicha, jumladan: Fuzzy Control, Logic Control, Fuzzy Logic, deb nomlanishi mumkin, ular yordamida kir yuvish jarayonining boshqaruvi amalga oshiriladi. Kir yuvish mashinasi maxsus datchiklar yordamida kir yuvish vaqtida kechayotgan jarayonlarni nazorat qiladi va ularga moslashadi. Bu kir yuvish jarayonini majmuaviy nazorat qilish tizimidir va kir yuvish mashinasida bir-biridan alohida amalga oshirilishi mumkin bo‘lgan turli xil vazifalarni, masalan suv sathini avtomatik nazorat qilish, siqib suvini chiqarishda disbalansni rostlash vazifasi, ko‘pik hosil bo‘lishini nazorat qilish va b. vazifalarni o‘z ichiga oladi.
Mashina kir turi va miqdoriga qarab suv sarfini va chayish vaqtini belgilaydi, siqib suvini chiqarishda disbalansni bartaraf etadi. Bunda ortiqcha harakatsiz eng yaxshi natijaga va zaxiralar tejalishiga erishiladi.