Transport logistikasi

Bordero – huddi yuk manifesti kabi hujjat bo‘lib, u avtomobillarda tashishni amalga oshirishda ishlatiladi.
Tovarning kelib chiqishi haqidagi sertifikat- bitim tuzilayotgan davlatlar o‘rtasida imtiyozli boj haqi to‘lash amalga oshirilganda talab etiladigan hujjat.
Tovarning sifati haqidagi sertifikat – bir tashish hujjatiga ko‘ra jo‘natilayotgan tovarlarning har bir partiyasiga beriladi. Qoidaga ko‘ra bu hujjat faqat oziq-ovqat mahsulotlari, kosmetika va shunga o‘xshash tovarlarga beriladi. Sertifikatda quyidagilar ko‘rsatiladi: sertifikat bergan tashkilotning nomi, sertifikatning tartib raqami, berilgan vaqti, tovarning nomi, jo‘natuvchi, qabul qiluvchi, tovarning tavsifi va navi, miqdori, ishlab chiqilgan vaqti, standart talabiga mosligi.
Fitosanitar sertifikat – davlat organlari tomonidan karantin bo‘lganda yoki eksport qilayotgan davlat o‘simliklarni himoya qilishda beriladi. U transport hujjatlariga qo‘shib jo‘natiladi.
Fumigasion sertifikat – bu hujjat oziq-ovqat mahsulotlarida har xil hasharotlarni yo‘qotish uchun qayta ishlov berilganligini tasdiqlashda ishlatiladi.
Gigiena sertifikati (tahlil sertifikati - inson sog‘lig‘i uchun zarar keltiradigan tovarlarga talab etiladi. Turli davlatlarda bu tovarlar nomenklaturasi har xil bo‘lishi mumkin, lekin shunday tovarlar borki, ularga majburiy ravishda bunday sertifikatalar beriladi: oziq-ovqat mahsulotlari; konservantlar; bolalar uchun tovarlar; ichimlik suv ta’minotida ishlatiluvchi materiallar, buyumlar va jihozlar; parfyumeriya-kosmetika vositalari; himiya va neft-kimyo mahsulotlari; polimer va sintetik materiallar; inson terisi bilan bog‘liq buyumlar.
Veterinariya sertifikati – hayvon va parrandalarni hamda ularning mahsulotlarini import qilishda rasmiylashtiriladi. Bu tovarlarni tashish faqat belgilangan veterinar nazorat punktlarida mavjud veterinar sertifikatlari mavjud bo‘lganda ruxsat beriladi.
Xavfli yuklar uchun sertifikat – bu transport tashkiloti tomonidan xavfli yuklar to‘g‘ri e’lon qilinganligini bildiruvchi hujjat hisoblanadi. Sertifikat jo‘natilayotgan tovar to‘liq va to‘g‘ri upakovka qilinganligi tashishda xavfsizlikni ta’minlashi, yuk talab darajasida markirovka qilinganligini tasdiqlashi kerak.