Toy-merekelerdi ıqsham ótkeriw máselesi dodalandı

Kitapqumarlar

 múnásip

sıylıqlandı

Usı jıl 7-sentyabr kúni Jaslar orayında «Eń kitapqumar Xalıq

bilimlendiriw  bólimi»  joybarınıń  jeńimpazların  sıylıqlaw

máresimi  boldı.

Ilajda  Qaraqalpaqstan  Respublikası  Joqarǵı  Keńesi  Baslıǵınıń

orınbasarı A.Hamraev, «Beruniy Kitob Dunyosi» juwapkershiligi

sheklengen  jámiyetiniń  baslıǵı  Sh.Axundjanov,  Qaraqalpaqstan

Respublikası Ishki isler ministriniń orınbasarı I.Axmedov hám

basqalar  Prezidentimizdiń  baslaması  menen  jaslardıń  ruwxıy

dúnyasın  bayıtıw,  olardı  kitap  oqıwǵa  qızıqtırıw,  ruwxıy-

aǵartıwshılıq,  kórkem-estetikalıq  talaplarǵa  juwap  beretuǵın

---

kitaplardı  joqarı  sapada  basıp  shıǵarıw  hám  onı  orınlarǵa

jetkerip  beriw  baǵdarında  ámelge  asırılıp  atırǵan  ilajlarǵa

toqtap ótti.

Atap  ótilgenindey,  jas  áwladtıń  ruwxıy-intellektuallıq

potencialın,  sana-sezimin  hám  dúnya  tanımın  keńeytiwde,  ana

Watanı  hám  xalqına  muhabbat  hám  sadıqlıq  sezimi  menen

jasaytuǵın  bárkamal  shaxstı  tárbiyalawda  kitapqumarlıq

ayrıqsha  áhmiyetke  iye.  Bunda  Ózbekstan  Respublikası

Prezidentiniń 2017-jıl 13-sentyabrdegi «Kitap ónimlerin basıp

shıǵarıw hám tarqatıw sistemasın rawajlandırıw, kitap oqıwdı

hám  kitapqumarlıq  mádeniyatın  arttırıw  jáne  úgit-násiyatlaw

boyınsha  kompleksli  ilajlar  baǵdarlaması  haqqında»ǵı  qararı,

sonday-aq  Prezidentimiz  tárepinen  alǵa  qoyılǵan  bes  baslama

áhmiyetli baǵdarlama bolıp xızmet etpekte.

Usı  qarar  talapların  orınlaw,  bilimlendiriw  mákemeleriniń

málimleme-resurs  orayların,  kitapxanaların  ádebiy-kórkem,

aǵartıwshılıq  hám  ilimiy-kópshilik  kitaplar  menen  bayıtıw,

---

solay  etip,  olardıń  materiallıq-texnikalıq  bazasın  bekkemlew

boyınsha  «Beruniy  Kitob  Dunyosi»  juwapkershiligi  sheklengen

jámiyeti  tárepinen  bir  qatar  iygilikli  jumıslar  alıp

barılmaqta.

Qaraqalpaqstan  Respublikası  Xalıq  bilimlendiriw  hám  Ishki

isler ministrlikleri menen birgelikte «Eń kitapqumar mektep»

joybarınıń  bıyılǵı  jılı  ótkerilgen  birinshi  basqıshında

respublikamız boyınsha 706  ulıwma bilim beriw mektebinen jámi

295414  oqıwshı  qatnastı.  Olar  tárepinen  209210  dana  kitap

satıp  alındı.  Nátiyjede  202    mektep  jeńimpaz  dep  tabılıp,

olarǵa  12500  dana  kitap  biypul  sawǵa  etildi.  Sonday-aq,  úy

sharayatında bilim alıp atırǵan 1207 oqıwshınıń hal-jaǵdayınan

xabar alınıp, biypul kitap tarqatıldı.

-Ilaj  dawamında  mektep  oqıwshıları  arasında  kitap  oqıwǵa

qızıǵıwshılar kóp ekenligi málim boldı,-deydi «Beruniy Kitob

Dunyosi»  juwapkershiligi  sheklengen  jámiyetiniń  baslıǵı

Sh.Axundjanov.-Joybardıń birinshi basqıshında kitap yarmarkası

menen  bir  qatarda  oqıwshılardıń  qaysı  tildegi  hám  qanday

mazmundaǵı kitaplardı kóbirek oqıǵısı keletuǵınlıǵın biliw hám

olardıń talabın qanaatlandırıw maqsetinde sorawnama ótkerildi.

Oqıwshılar tárepinen kóp soralǵan kitaplardı baspadan shıǵarıw

hám olardı zárúrligine qaray qaraqalpaq tiline awdarıw isleri

qolǵa alınbaqta.

---

Atap  aytqanda,  bıyılǵı  jılı  joybar  dawamında  oqıwshılar

tárepinen kóp soralǵan 25 atamadaǵı, kelesi jılı 40 atamadaǵı

kitap  qaraqalpaq  tiline  awdarılıp,  kóp  nusqada  basıp

shıǵarıladı.    Bunnan  tısqarı,  basqıshpa-basqısh  barlıq

rayonlarda filiallar ashıw, Moynaq rayonındaǵı «Kitap kárwanı»

juwapkershiligi  sheklengen  jámiyeti  bazasında  baspaxana

shólkemlestiriw, kárxana, mákeme hám shólkemlerdiń «Ruwxıylıq

xanaların» túrli mazmundaǵı kitaplar menen támiyinlep barıw,

xızmetkerler  hám  olardıń  shańaraq  aǵzaları  arasında  kitap

oqıwdı keńnen úgit-násiyatlaw maqsetinde yarmarkalardı turaqlı

ótkeriw názerde tutılmaqta.

Ilajda «Eń kitapqumar Xalıq bilimlendiriw bólimi» joybarında

jeńimpaz  dep  tabılǵan  Moynaq  hám  Taxtakópir  rayonlıq  Xalıq

bilimlendiriw  bólimleriniń  hár  birine  5  million  sumlıq

qaraqalpaq, ózbek hám rus tillerindegi kitaplar toplamı sawǵa

etildi.  Sonday-aq,  eń  kóp  kitap  oqıǵan,  sonıń  nátiyjesinde

joqarı  kórsetkish  penen  Prezident  mektebine  kiriw  baxtına

miyasar  bolǵan  Ellikqala  rayonınan  jas  kitapqumar  oqıwshı

---

Sadulla  Rizaevqa  sawǵa  tapsırıldı