Toy-merekelerdi ıqsham ótkeriw máselesi dodalandı

Joqarǵı

 Keńes

 Baslıǵı

«Qostruba»lılar

 menen

ushırastı

Adamlarımız qay jerde bolmasın, hátte, eń shetki aymaqta da

baxıtlı  hám  abadan  turmıs  keshiriwge  haqılı.  Húrmetli

Prezidentimizdiń  basshılıǵında  búgingi  kúnde  mámleketimizde

alıp  barılıp  atırǵan  reformalar  mine  usınday  iygilikli

maqsetke  qaratılǵan.

Respublikamızdıń  eń  shetki  aymaqlarında  jasaytuǵın  xalıqtıń

turmıs  tárizi  menen  jaqınnan  tanısıw,  ushırasıp  atırǵan

mashqalalardı úyreniw maqsetinde usı jıldıń 8-avgust sánesinde

Qaraqalpaqstan  Respublikası  Joqarǵı  Keńesiniń  Baslıǵı

M.Erniyazov paytaxttan derlik 280 kilometr, rayon orayınan 170

kilometr  uzaqlıqta  jaylasqan  Taxtakópir  rayonınıń  «Qostruba»

mákan puqaralar jıyınına sapar etti.

---

Ministrlikler,  mákemeler,  huqıq  qorǵaw  uyımları,  rayon

hákimliginiń  basshıları,  jámiyetlik  shólkemler  wákilleriniń

qatnasıwında  ashıq  pikirlesiw  tárizinde  shólkemlestirilgen

ushırasıwda xalıqtı qıynap kiyatırǵan másele hám mashqalalar

tıńlandı.

Qońsı Qazaqstan Respublikasına eń jaqın aymaqlardan esaplanǵan

«Qostruba»  mákan  puqaralar  jıyınında  búgingi  kúnde  140  tan

aslam  puqara  jasaydı.  Mákan  puqaralar  jıyını  2002-jılı

shólkemlestirilgen  bolıp,  jergilikli  xalıq  tiykarınan

sharwashılıq  penen  shuǵıllanadı.

---

Ótkerilgen  ushırasıw  dawamında  puqaralar  tiykarınan

jumıssızlıq,  jol  qurılısı,  bilimlendiriw,  baylanıs  xızmeti,

medicina hám transport xızmetin kórsetiwdiń sapasın jaqsılaw

sıyaqlı máselelerde múrájat etti.

Puqaralardıń  jámi  40  qa  jaqın  múrájatı  tıńlanıp,  solardan

belgili bir bólimi usı jerdiń ózinde óz sheshimin taptı. Waqıt

hám hár tárepleme úyreniw talap etiletuǵın múrájatlar boyınsha

juwapker basshılarǵa anıq tapsırmalar berildi.

Sonday-aq,  usı  kúni  MPJ  aymaǵında  jaylasqan  shańaraqlıq

mektepke  shekemgi  bilimlendiriw  mákemesi  hám  veterinariya

shıpakerlik  punkti  óz  jumısın  basladı  hám  de  xalıqtıń  bul

baǵdardaǵı  mashqalaları  óz  sheshimin  taptı  hám  jańa  jumıs

orınların  jaratıw  boyınsha  wazıypalar  belgilep  berildi.

Jańadan ashılǵan balalar baqshasına televizor, gilemler sawǵa

etilgen  bolsa,  shıpakerlik  punktinde  eki  puqaranıń  bántligi

támiyinlendi.  Aymaqtaǵı  jańadan  shólkemlestirilip  atırǵan

veterinariya  shıpakerlik  punkti  ushın  zamanagóy  ásbap-

úskeneler  tapsırıldı.

Sonı  da  aytıp  ótiw  kerek,  mákan  puqaralar  jıyını  aymaǵında

jaylasqan 23-sanlı ulıwma bilim beriw mektebine kitaplar, 10

kompyuter  komplekti,  sport  inventarları,  turaqlı  elektr

energiyası menen támiyinlewshi úskeneler hám kem támiyinlengen

shańaraqlarǵa hár qıylı sawǵalar berildi.