“Тошмухаммад Ниёз ўғли Қори Ниёзий – илм-маърифат дарғаси”

АХБОРОТ ХАТИ

2022 йил 16 август куни Т.Н.Қори Ниёзий номидаги Ўзбекистон педагогика фанлари илмий тадқиқот институтида республика илм-маърифат тараққиётига муносиб ҳисса қўшган илғор ислохотчи олим Т.Н.Қори Ниёзий таваллудининг 125 йиллигига бағишланган “Тошмухаммад Ниёз ўғли Қори Ниёзий – илм-маърифат дарғаси” мавзусидаги илмий-амалий анжуман бўлиб ўтади.

Анжуман қуйидаги йўналишларда иш олиб боради:

1. 
   йўналиш: Т.Н.Қори Ниёзий мактаб – маориф соҳасидаги ислохотларнинг асосчиси.
   
2. 
   йўналиш: Т.Н.Қори Ниёзийнинг математика ўқитиш методикасини ривожлантиришга қўшган ҳиссаси.
   
3. 
   йўналиш: Т.Н.Қори Ниёзий яшаган даврда Ўзбекистонда илм-маърифат ва ижтимоий-маданий тараққиётнинг ўзига хос жиҳатлари.
   
4. 
   йўналиш: Педагогика фанининг тараққиётида таълим олувчиларни глобал фикрлашга ўргатиш стратегиялари.
   

Илмий-амалий анжуман материаллари тўплам ҳолатида чоп этилиши режалаштирилган.
Анжуманнинг расмий тили: ўзбек, рус ва инглиз тиллари.
Маъруза тезислари матнларини тайёрлаш бўйича талаблар:
Матнлар Microsoft Word матн муҳаррири ёрдамида, Times New Roman шрифтида, 14 ўлчамда, А4 формат қоғозда, 1,5 интервалда, юқори ва пастдан 2 см, ўнгдан 1,5 ва чапдан 3 см қолдирилган ҳолда тайёрланиши лозим.
Тезис матни сарлавҳасининг уст қисмида муаллиф(лар)нинг исми, шарифи ва фамилияси, илмий даражаси, иш жойи кўрсатилиши шарт. Улардан сўнг бир интервал ташлаб асосий матн келтирилади.
Тезислар ҳажми А4 форматда 3 саҳифадан кам бўлмаган ва 5 саҳифадан ошмаган ҳолда электрон вариантда 2022 йилнинг 6 августгача таҳрирдан чиқарилиб, тегишли йўналиш кўрсатилиб юқоридаги талаблар даражасида ташкилий қўмитага етказилиши лозим.
Тезислар илмий савияси бўйича ташкилий қўмита томонидан танлаб олинади. Анжуманнинг ташкилий материалларини тўплаш, таҳрир қилиш ва чоп эттириш учун ҳар бир саҳифаси учун 30 000 сўм миқдорида бадал пули тўланади. Қўйилган талабларга жавоб бермайдиган мақолалар тўпламга киритилмайди.