Тошкент врачлар малакасини ошириш институти

 
ХУЛОСА 
 
«Девиант хулқ-атворли беморларда алкоголизм ва наркоманиянинг 
клиник хусусиятлари» мавзусидаги докторлик диссертацияси бўйича олиб 
борилган тадқиқотлар натижасида қуйидаги хулосалар олинди: 
1. Агрессив ва делинквент хулқ-атвор шаклларининг устунлиги 
алкоголь ва опийга қарам беморлар преморбиддаги девиант хулқ-атворининг 
ўзига хос жиҳати бўлиб, хусусан алкоголга қарам беморларнинг 
преморбидида агрессив, опийга қарамларда – делинквент хулқ-атвор кўпроқ 
учрайди. Иккала хулқ-атвор шакллари асосан эксплозив ва нотурғун типдаги 
шахсларга хос бўлса, суицидал девиант хулқ-атвор истероид типдаги 
шахсларга хос.
2. Преморбид даврда девиант хулқ-атворли алкогол ва опийга қарам 
беморлар орасида эксплозив ва нотурғун типдаги психопатик ѐки акцен-
туацияли шахслар устунлик қилади. Преморбид даврида девиант хулқ-

---

26 
атворсиз беморлар орасида психастеник ва конформ типдаги шахслар кўпчи-
ликни ташкил этади.
3. Алкогол ва опийга қарам беморларда девиант хулқ-атвор шакл-
ланишига нотўкис, моддий қийинчиликлари бор ва маънавий қашшоқ, 
шафқатсизлик ва зўравонлик, гипопротекция типи бўйича тарбиясида 
нуқсони бўлган оилаларда тарбияланиш, социал ва жиноий гуруҳлар билан 
алоқада бўлиш каби ижтимоий-психологик омиллар сабаб бўлади. 
4. Преморбидда девиант хулқ-атворли алкогол ва опиатларга қарам-
ликнинг клиник хусусиятиларига психоактив воситаларни суистеъмол 
қилишни эрта бошлаш, абстинент синдромнинг жадал суръатда шакл-
ланиши, абстинент ҳолатнинг оғир кечиши, касаллик юқори даражада 
прогредиент кечиши сабабли шахс деградацияси ва салбий тиббий-ижтимоий 
оқибатларнинг тез ривожланиши кабилар киради. 
5. Касаллик муддати бир хил бўлган, преморбидда девиант хулқ-
атворли беморларда бош миянинг бироз қуришидан (атрофия) то субкор-
тикал макон ва бош мия пўстлоқ қисми пешона бўлаги эгатчаларининг 
кенгайиши, преморбид даврида девиант хулқ-атворсиз беморларда асосан 
периваскуляр макон кенгайиши ва веналарда қон айланишининг бузилиши 
каби морфо-структуравий ўзгаришларнинг шаклланиши аниқланган. 
6. Преморбидда девиант хулқ-атворли шахсларнинг даволаш-реабили-
тация мажмуасини такомиллаштиришда шахс девиацияси ва хулқ-атворни 
коррекция қилишда айнан когнитив хулқ-атвор психотерапиясини қўллаш 
талаб этилади. 
7. Преморбидда девиант хулқ-атворли шахсларда профилактик чора-
тадбирларини ишлаб чиқишда шахс хусусиятлари, ижтимоий-психологик 
омиллар ва асосий касалликнинг клиник-динамик хусусиятларини инобатга 
олиш, иш йўналиши турлари ва ижрочиларни белгилаб олиш керак. 

---

27