Тошкент врачлар малакасини ошириш институти

Диссертация мавзусининг диссертация бажарилган олий таълим 
муассасасининг илмий-тадқиқот ишлари билан боғлиқлиги. Диссертация 
тадқиқоти Тошкент тиббиѐт академияси илмий-тадқиқот ишлари режаси 
асосида «Ҳар хил патологик ҳолатлар ривожланишининг патогенетик 
механизмларининг ўзгариш хусусиятлари ва дори воситалари билан даволаш 
схемаларини оптималлаштириш чоралари» (2011-2014 йй.) ҳамда «Турли 
ѐшдаги шахсларда психоактив моддаларга қарамликнинг шаклланишига 
турли омилларнинг таъсири ва аниқланган омиллар бўйича реабилитация ва 
даволаш усулларини такомиллаштириш» (2015-2018 йй.) мавзусидаги 
лойиҳалар доирасида бажарилган. 
Тадқиқотнинг мақсади преморбидда девиант хулқ-атворли бемор-
ларда алкоголизм ва опийли гиѐҳвандликнинг клиник-психопатологик 
хусусиятларини шахсий-биологик ва ижтимоий-психологик омилларини 
ҳисобга олган ҳолда даволаш-реабилитация ҳамда профилактика чора-
тадбирларини мукаммаллаштиришдан иборат. 
Тадқиқотнинг вазифалари: 
алкоголизм ва опийли гиѐҳвандликка чалинган беморларнинг 
преморбид давридаги девиант хулқ-атвор хусусиятларини аниқлаш; 
преморбидда алкоголизм ва опийли гиѐҳвандлик билан касалланган 
девиант хулқ-атворли беморларнинг шахс хусусиятларини аниқлаш; 
алкогол ва опиатларга қарам беморларнинг преморбид даврида девиант 
хулқ-атвор ва шахс девиацияси шаклланишидаги ижтимоий-психологик 
омилларнинг ролини ўрганиш; 
преморбидда девиант хулқ-атворли беморларда алкогол ва опиатларга 
қарамликнинг клиник хусусиятлари ҳамда тиббий-ижтимоий асоратларини 
ўрганиш; 
преморбидда девиант хулқ-атворли ва девиант хулқ-атворсиз алкого-
лизм ва опийли гиѐҳвандлик билан касалланган беморлар бош мия ҳолати-
нинг нейровизуал хусусиятларини қиѐсий ўрганиш; 
преморбидда девиант хулқ-атворли беморларда психоактив восита-
ларга қарамликнинг даволаш-реабилитация ва профилактик чора-тадбир-
ларини такомиллаштириш.