Toshkent viloyati chirchiq davlat pedagogika instituti “texnologik ta’lim” kafedrasi

mavzu.Tadbirkorlik faoliyati tashkil etish va yuritish tartibi.

• 
  Tadbirkorlik va kichik biznes to‘g‘risida tushuncha.
  

O‘zbek tilining izohli lug‘atida bu tushunchalar qo‘ydagicha talqin etilgan:

TADBIRKOR-bu tadbir bilan, puxta o‘ylab ish qiladigan shaxs.Tadbir deganda biror ishni, maqsadni amalga oshirish, ro‘yobga chiqarish vositasi tushuniladi.

TADBIRKORLIK--bu puxta o‘ylab tuzilgan, ishlab chiqilgan amaliy choralar asosida ish tutmoq demakdir.

O‘zbekiston Respublikasining «Tadbirkorlik va tadbirkorlar faoliyatining kafolatlari to‘g‘risida»gi qonunida bu tushunchalarga quyidagicha ta’riflar berilgan.

TADBIRKOR - bu bozor iqtisodiyotida xo‘jalik yuritishning asosiy sub’ekti hisoblanadi. Yuridik shaxs tashkil etgan holda va tashkil etmasdan doimiy asosda tadbirkorlik faoliyati bilan shug‘ullanuvchi jismoniy shaxs. Yakka tartibdagi tadbirkor – yuridik shaxsni tashkil etmasdan tadbirkorlik faoliyati bilan shug‘ullanuvchi jismoniy shaxs.

TADBIRKORLIK(tadbirkorlik faoliyati)-Qonun hujjatlariga muvofiq daromad(foyda) olishga qaratilgan, yuridik va jismoniy shaxslar tomonidan mahsulot ishlab chiqarish (ishlarni bajarish, xizmatlar ko‘rsatish) yo‘li bilan tavakkal qilib va o‘z mulkiy javobgarligi ostida amalga oshiraladigan tashabbuskor faoliyat.