Тошкент вилояти чирчиқ давлат педагогика институти

Диссертация тадқиқотининг диссертация бажарилган таълим муассасасининг илмий-тадқиқот ишлари режалари билан боғлиқлиги.
Диссертация тадқиқоти Чирчиқ давлат педагогика институти илмий-тадқиқот ишлари режасининг “Ўзбекистонда фуқаролик жамиятини шакллантириш ва ривожлантиришнинг маънавий-ахлоқий ва илмий-фалсафий муаммолари” мавзусидаги илмий-амалий лойиҳаси доирасида бажарилган.
Тадқиқотнинг мақсади Ўзбекистон Республикаси Президентларининг илмий-сиёсий қарашлари асосида ёшларни маънавий-маърифий ва ватанпарварлик руҳида тарбиялаш технологиясини такомиллаштиришдан иборат.
Тадқиқотнинг вазифалари:
глобаллашув шароитида ёшларни маънавий-маърифий ва ватанпарварлик руҳида тарбиялаш технологиялари ва уни педагогик амалиётга татбиқ этиш механизмларини такомиллаштириш;
мамлакатимизда амалга оширилаётган ёшларга оид давлат сиёсатининг мазмун-моҳияти ва стратегик аҳамиятини ёшлар онгига сингдириш усулларини такомиллаштириш;
ёшларни маънавий-маърифий ва ватанпарварлик руҳида тарбиялашнинг функционал моделини ишлаб чиқиш;
ёшларни маънавий-маърифий ва ватанпарварлик руҳида тарбиялашда ижтимоий фанларнинг педагогик имкониятларини аниқлаштиришдан иборат.
Тадқиқотнинг объекти сифатида ёшларни маънавий-маърифий ва ватанпарварлик руҳида тарбиялаш технологиясини такомиллаштириш жараёни белгиланиб, педагогик тажриба-синов ишларида Тошкент вилояти Чирчиқ давлат педагогика институти, шунингдек, Қўқон, Навоий ва Жиззах давлат педагогика институтларининг 511160 – Миллий ғоя, маънавият асослари ва ҳуқуқ таълими йўналишининг 409 нафар респондент-талабалари иштирок этди.
Тадқиқотнинг предметини ёшларни маънавий-маърифий ва ватанпарварлик руҳида тарбиялаш технологияларини такомиллаштиришнинг мазмуни, шакл, метод ва воситалари ташкил қилади.
Тадқиқотнинг усуллари. Тадқиқотда муаммога оид илмий адабиётларни қиёсий-танқидий ўрганиш, таҳлил қилиш, шунингдек, социометрик (суҳбат, сўровнома, интервью, кузатиш), прогностик (мустақил баҳоларни умумлаштириш, эксперт баҳолаш), педагогик эксперимент ва математик (маълумотларни статистик қайта ишлаш, натижаларни график тасвирлаш каби) методлардан фойдаланилди.