Тошкент вилояти чирчиқ давлат педагогика институти ҳузуридаги илмий даражалар берувчи phD

Тадқиқотнинг предмети математика ўқитиш методикаси фани ўқув 
машғулотларини лойиҳалаштириб ўқитиш мазмуни, шакл, метод ва 
воситаларидан иборат. 
Тадқиқотнинг усуллари. Тадқиқотда мавзуга оид педагогик, 
психологик ва методик адабиѐтлар, ўқув дастурлар, дарсликлар, ўқув 
қўлланмаларни қиѐсий-танқидий ўрганиш, таҳлил этиш ва умумлаштириш, 
ОТМларда “Математика ўқитиш методикаси” фанини ўқитиш жараѐнини 
кузатиш ва таҳлил қилиш, суҳбат, анкета, кузатиш, тест сўровлари, тажриба-
синов ишларини ўтказиш ҳамда натижаларини олишда математик-статистика 
методларидан фойдаланилган. 
Тадқиқотнинг илмий янгилиги қуйидагилардан иборат: 
математика фанлари ўқув машғулотларини лойиҳалаб ўқитишнинг 
замонавий концептуал дастури (фаоллаштирувчи, ривожлантирувчи, янги 
ахборот воситаларини қўллашга асосланган) педагогик жараѐнларда амалиѐт, 
яхлитлик, мустақиллашув, ҳаракат элементларининг пропорциналашувига 
(шахсга йўналганлик, индивидуал ишлаш, эркинлик) устуворлик бериш 
асосида ишлаб чиқилган; 
ўқув машғулотлари “катта”, “ўрта” ва “кичик” модулли лoйиҳалаш 
босқичлари (лойиҳа алгоритми, матн сценарийси, баҳолаш) функционал 
амалларнинг кетма-кетлик траекторияси мазмунини (мақсад ва тушунчалар, 
мезон, восита, матн) белгилаш асосида аниқлаштирилган; 

---

9 
машғулотларни лойиҳалаш технологияси умумий ва хусусий 
методологияларни ажратиш, ўқув модуллари ва ўқув ҳаракатлари 
интеграциялашув жараѐнлари (режалаштириш, ҳамкорлик босқичи, 
ташкилий-дидактик таъминлаш) моҳиятини очиб бериш (замонавий таълим 
технологиясини ишлаб чиқишда ўқитувчи фаолиятининг кетма-кетлиги) 
асосида такомиллаштирилган; 
“Математика ўқитиш методикаси” фанини ўқитишнинг блок-модулли 
ѐндашувига йўналтирилган методик таъминоти ўқув материаллари 
интерфаоллиги ва ижодий-интелллектуал топшириқлар (прогнозтик, 
танқидий баҳоловчи, креативликни аниқловчи) мажмуасини ишлаб чиқиш 
асосида такомилаштирилган.