Toshkent tibbiyot akademiyasi tibbiy pedagogika fakulteti

YUNESKO ta’rifi (1998 y). “Pedagogik texnologiya – o‘z oldiga ta’lim shakllarini maqbullashtirish vazifasini qo‘yuvchi, insonga xos hamda texnik resurslar va ularning o‘zaro faoliyatini hisobga olgan holda ta’lim berish va tahsil olish jarayonini yaratish, qo‘llash va belgilashning tizimli metodidir”.

O‘zbek pedagog olimlari ta’rifi (2008 y). “Pedagogik texnologiya – ta’lim oluvchi shaxsiga yo‘naltirilgan, demokratik hamda takrorlanuvchan o‘qish natijalarini kafolatlaydigan ta’lim jarayonini loyihalash, modellashtirish, amalga oshirish va baholashning tizimiy metodidir”.

Pedagogik texnologiyalar tushunchasiga berilgan ko‘plab ta’riflar umumlashtirilsa, uning quyidagidek ta’rifi keelib chiqadi: Pedagogik texnologiya, bu - muayyan sharoitlarda o‘qitish vositalari yordamida pedagogning tahsil oluvchilarga ko‘rsatgan tizimli ta’siri natijasida ularda jamiyat uchun zarur bo‘lgan va oldindan belgilab qo‘yilgan ijtimoiy sifatlarni jadal suratlarda shakllantiruvchi jarayondir.