Toshkent tibbiyot akademiyasi tibbiy pedagogika fakulteti

Pedagogik tajriba (eksperiment – lotincha «sinab ko‘rish», «tajriba qilib ko‘rish») metodi. Pedagogik tajriba metodidan muammo echimini topish imkoniyatlarini o‘rganish, mavjud pedagogik sharoitlarning maqsadga erishishning kafolatlay olishi, ilgari surilayotgan tavsiyalarning amaliyotda o‘z in’ikosiga ega bo‘la olishi hamda samaradorligini aniqlash maqsadida foydalaniladi. Muayyan muammo echimini topishga yo‘naltirilgan tibbiy pedagogik tajriba ma’lum doirada, soni aniq belgilangan respondentlar ishtirokida amalga oshiriladi. Mazkur metoddan foydalanish tibbiy pedagog tadqiqotchisi tomonidan ilgari surilayotgan maxsus metodikaning samaradorligini aniqlashhamda unga baho bera olishi zarur.

Pedagogik tajriba ham bir qator shartlarga amal qilgan holda

tashkil etiladi. Xususan:

1. 
   tajribaning maqbul loyiha (dastur) asosida uyushtirilishi;
   
2. 
   tadqiqot ilmiy farazining puxta asoslanishi;
   
3. 
   tadqiqot ob’ektlari vv usullarining to‘g‘ri tanlanishi;
   
4. 
   tajriba o‘tkazilish vaqti hamda davomiyligini aniqlanishi;
   
5. 
   zarur pedagogik shart-sharoitlar (asbob-uskuna, jihozlar, vositalar)ning yaratilganligi;
   
6. 
   tajriba ma’lumotlarini umumlashtirish, tahlil qilish va natijalarni qayta ishlash.
   

Pedagogik tajriba yakunida olingan natijalarga asoslanib umumiy xulosaga kelinadi va ilmiy-metodik tavsiyalar ishlab chiqiladi.

Matematik-statistik metod tajriba-sinov ishlari, shuningdek, umumiy holda tadqiqotning samaradorlik darajasini aniqlash maqsadida qo‘llaniladi, muammo holatini ifodalovchi ko‘rsatkichlar maxsus matematik formulalar yordamida qayta tahlil etiladi. YAkuniy qiymat tadqiqot samarasini ifodalovchi asosiy ko‘rsatkich hisoblanadi. Ayni vaqtda pedagogik yo‘nalishda tadqiqotlar olib borishda Styudent, Ko‘virlyag, Rokich, V.P.Bespalko hamda V.V.Grechixin metodlaridan keng foydalanilmoqda.