Toshkent tibbiyot akademiyasi huzuridagi harbiy-tibbiyot fakulteti

Ilg„or pozitsiyada 
motoo‟qchi batalyon (vzvod) mudofaani aylana mudofaaga 
tayyorlanuvchi hamda dushman hujumining ehtimoli yuqori bo„lgan yo„nalishlarni 
qamrab oladigan alohida vzvod va guruh tayanch punktlari bilan quradi. Unda turli 
to„siq va g„ovlar barpo etiladi. Motoo‟qchi batalyonning (vzvodning) ilg„or 
pozitsiyadagi jangiga madad berishda vaqtinchalik o„t ochish pozitsiyalaridagi 
qo„shimcha berilgan artilleriya va katta komandir artilleriya kuchlarining bir 
qismidan, shuningdek, vertolyotlarning zarbalaridan foydalaniladi.
O„t ochish tizimini motoo‟qchi batalyon (vzvod) komandiri shunday hisob-
kitob bilan tashkillashtiradi-ki, bunda shtatdagi, qo„shimcha berilgan va madad 
beradigan vositalarning o„t ochish amali bilan asosiy yo„nalishlardagi dushmanga 
eng katta uzoqliklarda shikast yetkazish, shuningdek, vzvod va jangovar guruhlar 
hamda qo„shni bo„linmalar o„rtasidagi olovli madadni saqlab turish mumkin 
bo„ladi. Tankka qarshi o„t ochish amalini tashkillashtirishga alohida e'tibor 
beriladi.
Ilg„or pozitsiya tomon kelishda dushmanning harakatlanish ehtimoli katta 
bo„lgan yo„nalishlarda, shuningdek, oraliqdagi ochiq joylar va tayanch 
punktlarining qanotlarida artilleriya, tanklar, piyodalar jangovar mashinalari, 
tankka qarshi va boshqa o„t ochish vositalarining o„t ochish amali tayyorlanadi, 
olovli pistirmalar tashkillashtiriladi, to„siqlar va vayronalar barpo qilinadi.
Dushmanning kichik guruhlarini motoo‟qchi batalyon (vzvod) o„t ochib yo„q 
qiladi yoki asir oladi. Ko„p sonli dushman kuchlariga, ularni o„zining asosiy 
kuchlarini vaqtidan avval jangovar tartibga tizishga majbur qilish maqsadida eng 
uzoq masofalardan boshlab barcha vositalarning o„t ochish amali bilan shikast 
yetkaziladi.
Qo„shimcha berilgan va madad beradigan artilleriya motoo‟qchi batalyon 
(vzvod) bo„linmalarining qanotlar va front orti tomondan aylanib o„tilishi va 
qurshovga olinishiga yo„l qo„ymagan holda dushmanni yo„q qiladi.
Motoo‟qchi batalyon (vzvod) komandiri ilg„or pozitsiya uchun kechadigan 
jang mobaynida dushmanning kuchlari, tarkibi, harakatlarining yo„nalishi va 
tavsifini aniqlashi va bu haqida brigada komandiriga xabar berishi, shuningdek, 

---

95 
asirlarni qo„lga kiritishni tashkillashtirishi va ularni zudlik bilan uning huzuriga 
yetkazilishini ta'minlashi kerak.
Motoo‟qchi batalyonning (vzvodning) ilg„or pozitsiyadan chekinishi brigada 
komandirining buyrug„iga binoan amalga oshiriladi.